ಹರಿದಾಸರ ಕೀರ್ತನೆ

ಪವಡಿಸು ಪರಮಾತ್ಮನೆ ಸ್ವಾಮಿ ಭವರೋಗ ವೈದ್ಯನೆ ಭಕ್ತರ ಪ್ರಿಯನೆ ಕುಂದಣದಿ ರಚಿಸಿದ ಸೆಜ್ಜೆಯ ಮನೆಯಲಿ ಇಂದ್ರನೀಲ ಮಣಿಮಂಟಪದಿ ॥ ಚಂದ್ರಕಾಂತಿಯ ಠಾಣದೀವಿಗೆ ಹೊಳೆಯಲು ಸಿಂಧುಶಯನ ಆನಂದದಿಂದಲಿ ತೂಗುಮಂಚದಿ ಹಂಸತೂಲದ ಹಾಸಿಗೆ ನಾಗಸಂಪಿಗೆಯ ಹೂವಿನ ಒರಗು | ಸಾಗರಸುತೆಯ ಸಮ್ಮೇಳದಲಿ ನಿಜ ಭೋಗವ ಪಡುತ ಓಲಾಡುತಿರು ಸದ್ದಡಗಿತು ಗಡಿಯಾರ ಸಾರಿತು ಬೀಗ ಮುದ್ರೆಗಳಾಗಿವೆ ಬಾಗಿಲಿಗೆ | ತಿದ್ದಿದ ಧವಳ ಶಂಖಗಳ ನಾದದಿಂದ ಪದ್ಮನಾಭ ಶ್ರೀ ಪುರಂದರವಿಠಲ

Sthala Comment None