ಹರಿದಾಸರ ಕೀರ್ತನೆ

ಸಿಕ್ಕಿದೆಯೋ ಎಲೆ ಜೀವ ನಿನ್ನ ಕುಕ್ಕಿ ಕೊಲ್ಲದೆ ಬಿಡರು ಸೊಕ್ಕಿದ ಹೆಣ್ಣಿಗೆ ನೀ ಮರುಳಾದೆ | ಉಕ್ಕಿನ ಕಂಬಕೆ ನೀ ಗುರಿಯಾದೆ ಹಾಳೂರ ಕೋಳಕೆ ಕಾಲು ಚಾಚಿದ ಹಾಗೆ । ಮೂಳ ಸಂಸಾರಕೆ ನೀ ಗುರಿಯಾಗಿ ।। ತೇಲುತ ಮುಳುಗುತ ಇಲ್ಲಿಗೆ ಬಂದೆ ಸತಿ-ಸುತರೆಂಬುವರೆ ಹಿತರೆಂದು ನಂಬಿದೆಯೊ | ಯತಿಗಳ ತಿಥಿಗಳು ಬಂದರೆ ಮನೆಗೆ !! ಗತಿಯಿಲ್ಲವೆಂದು ಖತಿಗೊಂಡೆಯಲ್ಲೊ ಶುನಕನಂದದಿ ನೀನು ಮನೆಮನೆಯನು ತಿರುಗಿ | ಘನ ಘನವಾದ ಕೂಳನೆ ತಿಂದು | ತನುವ ತಗ್ಗಿಸಿ ಇಲ್ಲಿಗೆ ಬಂದೆ ಕಂಡವರ ಒಡವೆಯ ಖಂಡುಗ ಧನವನು | ಮಿಂಡೆಯರ ಒಡವೆಯ ಭಂಡತನದಲಿ || ಕಂಡುಕಾಣದೆ ನೀ ತಿಂದೆಯಲ್ಲೊ ಗೋಪಾಲಕೃಷ್ಣಯ್ಯ ತಾಪತ್ರಯವ ಕಳೆವ | ಆಪತ್ತೆಲ್ಲ ಪರಿಹಾರ ಮಾಡುವ ॥ ಶ್ರೀಪತಿ ಪುರಂದರವಿಠಲನ ನೆನೆಯದೆ

Sthala Comment None