ಹರಿದಾಸರ ಕೀರ್ತನೆ

ಸಂದಿತಯ್ಯ ಪ್ರಾಯವು | ಸಂದಿತಯ್ಯ ಪ್ರಾಯವು ಮೂರು ತಿಂಗಳು ಸಂದುಹೋಯಿತು ತಿಳಿಯದೆ || ಬಂದೆ ತಾಯಿಯ ಜಠರದಲಿ ಮ-1 ತ್ತೊಂದು ಬುದ್ದಿಯನರಿಯದೆ || ಬೆಂದೆ ನವಮಾಸದಲಿ ಗರ್ಭದಿ । ಒಂದು ದಿವಸವು ತಡೆಯದೆ || ಕುಂದದೀಪರಿಯೊಂದು ವರುಷವು | ಇಂದಿರೇಶನೆ ಕೇಳು ದುಃಖವ ಕತ್ತಲೆಯೊಳಿರಲಾರೆನೆನುತಲಿ | ಹೊತ್ತೆ ಹರಕೆಯ ನಿನ್ನನು || ಮತ್ತೆ ಜನಿಸಲು ಭೂಮಿಯೊಳು ನಾ | ಅತ್ತುನಿನ್ನನು ಮರೆತೆನು || ಮತ್ತೆ ಮಲ ಮೂತ್ರದೊಳು ಬಾಲ್ಯದಿ | ಹೊತ್ತು ದಿನಗಳ ಕಳೆದೆನು || ಮತ್ತೆ ನರಕದೊಳುರುಳುತುರುಳುತ | ಉತ್ತಮೋತ್ತಮ ನಿನ್ನ ನೆನೆಯದೆ ಚಿಕ್ಕತನವನು ಮಕ್ಕಳಾಟದಿ । ಅಕ್ಕರಿಂದಲಿ ಕಳೆದೆನು || ಸೊಕ್ಕಿ ಹದಿನಾರಲಿ ನಾನತಿ | ಮಿಕ್ಕಿ ನಡೆದೆನು ನಿನ್ನನು || ಸಿಕ್ಕಿ ಬಹು ಸಂಸಾರ ಮಾಯೆಯ | ಕಕ್ಕುಲತೆಯೊಳು ಬಿದ್ದೆನು | ಹೊಕ್ಕುದಿಲ್ಲವು ನಿನ್ನ ಪಾದವ । ರಕ್ಕಸಾರಿಯೆ ಕೇಳು ದುಃಖವ ಸುಳಿದೆ ಮನೆಮನೆ ಕಳೆದೆ ಕಾಲವ | ಉಳಿದ ಯೋಚನೆ ಮಾಡದೆ || ಬೆಳೆದೆ ತಾಳೆಯ ಮರದ ತೆರದಲಿ || ಉಳಿವ ಬಗೆಯನು ನೋಡದೆ || ಎಳೆಯ ಮನದೊಳೆ ಇಳೆಯ ಜನರೊಳು | ಬಳಕೆ ಮಾತುಗಳಾಡಿದೆ || ಕಳೆದೆ ಈ ಪರಿಯಿಂದ ಕಾಲವ | ನಳಿನನಾಭನೆ ನಿನ್ನ ನೆನೆಯದೆ ಎಡೆಬಿಡದೆ ಅನುದಿನದಿ ಪಾಪದ । ಕಡಲೊಳಗೆ ನಾನಾಳ್ದೆನು ದರವ ಕಾಣದೆ ಮಧ್ಯದಲಿ ಎ- | ನ್ನೊಡಲೊಳಗೆ ನಾನೊಂದನು ॥ ದೃಢದಿ ನಿನ್ನಯ ಧ್ಯಾನವೆಂಬಾ । ಹಡಗವೇರಿಸು ಎನ್ನನು || ಒಡೆಯ ಪುರಂದರವಿಠಲ ಎನ್ನನು | ಬಿಡದೆ ಕಾಯೈ ಬೇಗ ಶ್ರೀ ಹರಿ

Sthala Comment None