ಹರಿದಾಸರ ಕೀರ್ತನೆ

ವೈದ್ಯವ ನಾನರಿಯೆ ಭವರೋಗದ । ವೈದ್ಯ ನೀನೆ ಹರಿಯೆ ನೀ ದಯದಿಂದೆನ್ನ ರಕ್ಷಿಸು ಆದಿವೈದ್ಯ ಮುನ್ನ | ಪಾದೋದಕವನು ಎನಗೆ ಕೊಡಿಸು ಸರ್ವ-|| ವ್ಯಾಧಿನಿವಾರಣ ಕಷಾಯ ನೀ ಕೊಡು ಹರಿ ನಿನ್ನ ಕರುಣವೆಂಬ ಸ್ಮರಣೆಯ ತ್ವರಿತ ಜ್ಞಾನದಿಂದ ॥ ಉರುತರ ಮಹಾತ್ಮಯ ಎನಗೆ ಕೊಡಿಸು ಸರ್ವ|| ದುರಿತನಿವಾರಣ ಕಷಾಯ ನೀ ಕೊಡು ಕೃಷ್ಣ ನೀ ಕೃಪೆವಿಡಿದು ಕಪಟದ । ಉಷ್ಣವಾಯುವಳಿದು || ವಿಷ್ಣುಶಕ್ತಿಯೆಂಬ ಅಭಯವ ಎನಗಿತ್ತು । ಇಷ್ಟವ ಸಲಿಸುವ ತೃಪ್ತಿಪಡಿಸುವಂಥ ನಿನ್ನ ದಾಸ ನಾನು ದುರಿತಗ ಳೆನ್ನ ಕಾಡುವುವೇನು || ಚೆನ್ನಾಗಿ ಕಾಯಕೆ ಶಕ್ತಿಯನಿತ್ತು ದೃಢ-| ವನ್ನು ಮಾಡಿ ಶ್ರೀಹರಿ ಸಲಹೆನ್ನನು ಪಂಡಿತ ದಯಾಸಿಂಧು ಕಾಡುವ । ಪಾಂಡುರೋಗ ಕೊಂದು || ಪುಂಡರೀಕಾಕ್ಷ ಶ್ರೀಪುರಂದರವಿಠಲ ಅ-| ಖಂಡಮೂರುತಿ ಶ್ರೀಹರಿ ಸಲಹೆನ್ನನು

Sthala Comment None