ಹರಿದಾಸರ ಕೀರ್ತನೆ

ರಕ್ಷಿಸೋ ಲೋಕನಾಯಕನೆ ನೀ ಎನ್ನ ರಕ್ಷಿಸೋ ಲೋಕನಾಯಕನೇ ಎಷ್ಟೆಷ್ಟು ಜನ್ಮ ಕಳೆದೆನೋ ಇ ನ್ನೆಷ್ಟೆಷ್ಟು ಜನ್ಮ ಪಡೆವೆನೋ || ಕಷ್ಟವ ಪಡಲಾರೆ ಕೃಷ್ಣ ಕೃಪೆಯನಿಟ್ಟು ಇಷ್ಟವ ಪಾಲಿಸು ಇಭರಾಜವರದನೆ ಬಾಲತನದಿ ಬಹು ಬೆಂದೆನೋ ನಾನಾ ಲೀಲೆಯಿಂದಲಿ ಕಾಲ ಕಳೆದೆನೋ || ಲೋಲಲೋಚನ ಎನ್ನ ಮೊರೆಯ ಕೇಳುತ ಬೇಗ ಜಾಲವ ಮಾಡದೆ ಪಾಲಿಸೈ ನರಹರಿ ಮುದುಕನಾಗಿ ಚಿಂತೆಪಡುವೆನೋ ನಾ ಕದಡು ದುಃಖವ ಪಡಲಾರೆನೋ ॥ ಸದರವಲ್ಲವು ಶ್ರೀ ಪುರಂದರ ವಿಠಲ ಮುದದಿಂದ ರಕ್ಷಿಸೊ ಖಗರಾಜಗಮನ

Sthala Comment None