ಹರಿದಾಸರ ಕೀರ್ತನೆ

ರಂಗ ರಂಗ ಎಂಬ ನಾಮವ ನೆನೆವರ | ಸಂಗದೊಳಿರಿಸು ಎನ್ನ ಅಂಗದೊಳ್ವೆವರು ದೆಸೆದಸೆಗೆಳೆಯುವ | ಭಂಗವ ಬಿಡಿಸೊ ಹರಿಯೆ-ಸ್ವಾಮಿ ಹರೆಕೃಷ್ಣ ಎಂದೆಂಬ ಜಿಹ್ವೆ ತಾನಿರುತಿರೆ । ಬರಿದೆ ಮಾತಾಡುವೆ ನಾ ॥ ಗುರು ಹಿರಿಯರ ವಂದನೆಗೆ ಕರ ಶಿರವಿರೆ | ಗರುವಹಂಕಾರತನ || ಪರಿಪರಿ ಪುಷ್ಪದಲಿ ಪೂಜಿಸದೆ ಅಚ್ಯುತನ | ಮರೆತಿಹೆ ನಾನನುದಿನ | ಅರಿವ ನೋಡಿದರೆ ಎನ್ನಲಿ ಕಾಣೆನೈ ದೇವ | ಮರೆಹೊಕ್ಕೆ ಸಲಹೊ ಎನ್ನ-ಸ್ವಾಮಿ ವೇದ ಶಾಸ್ತ್ರ ಪುರಾಣ ನಾಮವ ನೆನೆವರ | ಚೋದ್ಯವ ನಾನರಿಯೆನು || ಹಾದಿಬೀದಿ ತಿರುಗುವ ಜಾರಸ್ತ್ರೀಯಳ ಕಂಡು ವಿ-| ನೋದಗಳ ಮಾಡುತಿಹೆನು ॥ ಮಾಧವ ಗೋವಿಂದ ಎನ್ನದೆ ಕಾಲನ | ಬಾಧೆಗಳಿಗೊಳಗಾದೆನೊ || ಈ ಧರೆಯೊಳಗೆನ್ನ ರಕ್ಷಿಸುವವರ ಕಾಣೆ | ಶ್ರೀಧರ ನೀನೆ ಸಲಹೊ ಸ್ವಾಮಿ ಮಡದಿ ಮಕ್ಕಳಿಗೆಲ್ಲ ಒಡವೆ ಬೇಕೆಂಬುವ | ಕಡುಲೋಭತನವ ಬಿಡಿಸೊ || ಅಡಿಗೆ ಅಡಿಗೆ ನಾರಾಯಣನೆಂಬ ನಾಮವನು । ನುಡಿವ ನಾಲಿಗೆಗಿರಿಸೊ || ಪೊಡವಿಯೊಳು ಪುರಂದರ ವಿಠಲರಾಯನೆ ನಿನ್ನ | ಅಡಿಯದಾಸನೆನಿಸೊ ಸ್ವಾಮಿ

Sthala Comment None