ಹರಿದಾಸರ ಕೀರ್ತನೆ

ಮಂತ್ರ ದೊರಕಿತು ನಾಮ ಮಂತ್ರ ದೊರಕಿತು । ಯಂತ್ರವಾಹಕ ನಾರಾಯಣನ ಅಂತರಂಗದಿ ಜಪಿಸುವಂಥ ಆಶೆಯಲ್ಲಿ ಬೀಳಲಿಲ್ಲ ಕ್ಷೇಶಪಟ್ಟು ಬಳಲಲಿಲ್ಲ | ವಾಸುದೇವ ಕೃಷ್ಣನೆಂಬ ಶಾಶ್ವತ ದಿವ್ಯ ನಾಮ ಅರ್ಥ ವೆಚ್ಚವಾಗಲಿಲ್ಲ, ಕಷ್ಟಪಟ್ಟು ಬಳಲಲಿಲ್ಲ | ಭಕ್ತಿಯಿಂದ ಭಜಿಸಿ ಮಹಾಮುಕ್ತಿ ಪದವಸೇರುವಂಥ ಹೊದ್ದಿದ ಪಾಪವೆಲ್ಲ ಕಳೆದು, ಉದ್ಧಾರವಾಯಿತು ಕುಲಕೋಟಿಯು | ಮುದ್ದು ಕೃಷ್ಣನ ದಿವ್ಯನಾಮ ವಜ್ರಕವಚ ಹೃದಯದಲ್ಲಿ ಹಾಸಬಹುದು ಹೊದೆಯಬಹುದು, ಸೂಸಿ ಒಡಲ ತುಂಬಬಹುದು । ದಾಸರನ್ನು ಬಿಡದೆ ಪೊರೆವ ಶ್ರೀಶನೆಂಬ ದಿವ್ಯ ನಾಮ ಒಂದು ಬಾರಿ ಸ್ತುತಿಸಿದರೆ ಒಂದು ಕೋಟಿ ಜಪದಫಲವು । ಇಂದಿರೇಶ ಶ್ರೀ ಪುರಂದರ ವಿಠಲನೆಂಬ ದಿವ್ಯನಾಮ

Sthala Comment None