ಹರಿದಾಸರ ಕೀರ್ತನೆ

ಬಾರೋ ನೀ ಎನ್ನ ಮನಮಂದಿರಕೆ ತಡಮಾಡುವುದೇಕೆ | ಮಾರಜನಕ ಹರಿ ನಿನ್ನಗ್ಗಳಿಕೆ ಸ್ಮರಿಸುವೆ ಕ್ಷಣಕ್ಷಣಕೆ ಬಾರೋ ಬಾರೋ ಮಧುರಾಪುರಿ ಬಿಟ್ಟು ಸೇರಿಕೊಳ್ಳದಿರು ವರಕರಿಪುರವೆ ಕುಂತೀಮಕ್ಕಳ ಮನೆಗೆ ಹೋದೇನೆಂದಿ, ಅವರೈದು ಮಂದಿ ಸಂತೋಷ ಪಡಿಸುವರೆಂದು ತಿಳಿದಿ ಎಂಜಲ ಬಳಿದಿ ॥ ಕಂತುಪಿತ ಕೇಳೊ ಮುಂದೆ ನೀ ಮುದದಿ ಬಂಡಿಯ ಹೊಡೆದಿ ಇಂತು ಪರಿಯ ನಾನೆಂತು ಪೇಳಲೊ ಕಾಂತ ಎನ್ನ ಮನದಂತರ್ಯಾಮಿ ಗೋಕುಲದಲ್ಲಿರೆ ನಂದಗೋಪ ನಿನ್ನ ಕೈಯಿಂದ ಆಕಳ ಕಾಯ್ಸುವನು ಅವ ಪಾಪ ಅದು ಅಲ್ಲದಲೆ || ನೀ ಕೇಳ್ವೆ ಗೋಪಿಯರ ಅಪಲಾಪ ಲಾಲಿಸು ನೀ ಭೂಪ ಈ ಕರೆಕರೆಯೊಳು ನೀ ಕೂಡಿರುವುದು ಏಕೆಲೊ ಕಾಂತನೆ ಮಮ ಹೃತ್ಕಮಲಕೆ ದುಷ್ಟ ಮಾವನ ಮನೆಗೆ ಹೋಗಲು ಬೇಡ ಪಟ್ಟದಾನೆಗಳಿಂದ ಗಟ್ಟಿಯಾಗಿ ಮೇಲ್ತುಳಿಸುವನವ ಮೂಢ ಮಲ್ಲರ ಕೈಯಿಂದ || ಕುಟ್ಟಿ ಕೆಡಹುವನು ಪ್ರಚಂಡ ತಿಳುಹಿದೆನುದ್ದಂಡ ಇಷ್ಟು ಪರಿಯಲಿ ಕಷ್ಟವೇತಕೆಲೊ ದಿಟ್ಟ ಪುರಂದರವಿಠಲ ಕೃಷ್ಣ

Sthala Comment None