ಹರಿದಾಸರ ಕೀರ್ತನೆ

ಬರಬೇಕೋ ರಂಗಯ್ಯ ನೀ – ಬರಬೇಕೊ ಬರಬೇಕೊ ಬಂದು ಒದಗಬೇಕೊ ಮಮಗುರು | ನರಹರಿ ನಾರಾಯಣ ನೀನಾ ಸಮಯಕೆ ಕಂಠಕೆ ಪ್ರಾಣ ಬಂದಾಗ ಎನ್ನ । ನಂಟರಿಷ್ಟರು ಬಂದಳುವಾಗ | ಗಂಟು ಹುಟ್ಟಿನ ಕಾಲಬಂಟರು ಕವಿದೆನ್ನ | ಗಂಟಲೌಕುವಾಗ ವೈಕುಂಠನಾರಾಯಣ ನಾರಿಯು ಪುತ್ರ ಮಿತ್ರರು ಬಂಧುಗಳು | ಆರೆನ್ನ ಸಂಗಡ ಬಾರರು || ಆರಿಗಾರಿಲ್ಲ ಯಮನಾರುಭಟಕೆ ಅಸು-| ರಾರಿ ಮೈಮರೆದಾಗ ನೀರೇರುಹನಾಭ ಕರಿ ಪ್ರಹ್ಲಾದಾದಿ ಭಕ್ತರ ಪತಿ । ಕರಿಸಲು ಒದಗಿದೆ ಶ್ರೀಧರ || ನೆರೆ ಹೀನನೆನ್ನ ಉದ್ಧರಿಸಿ ಅಚ್ಯುತ ನಿನ್ನ | ಚರಣದೊಳಿಂಬಿಡೊ ಪುರಂದರವಿಠಲ

Sthala Comment None