ಹರಿದಾಸರ ಕೀರ್ತನೆ

ನೀನೆ ದಯಾಸಂಪನ್ನನೊ - ಕಾವೇರಿ ರಂಗ ನೀನೆ ಬ್ರಹ್ಮಾದಿವಂದ್ಯನೊ ಬಂಧುಗಳೆಲ್ಲರ ಮುಂದಾ ದ್ರುಪದನ ನಂದನೆಯೆಳತಂದು ಸೀರೆಯ ಸೆಳೆಯಲು || ನೊಂದು ಕೃಷ್ಣ ಸಲಹೆಂದರೆ ಅಕ್ಷಯ ಕುಂದದಲಿತ್ತ ಮುಕುಂದನು ನೀನೇ ನಿಂದಿತ ಕರ್ಮಗಳೊಂದು ಬಿಡದೆ ಬೇ- ಕೆಂದು ಮಾಡಿದನಂದಜಮಿಳನು ॥ ಕಂದಗೆ ನಾರಗನೆಂದರೆ ಮುಕುತಿಯ ಕುಂದದಲಿತ್ತ ಮುಕುಂದನು ನೀನೇ ಮತ್ತಗಜವ ನೆಗಳೊತ್ತಿ ಪಿಡಿಯೆ ಬಲು ಒತ್ತಿ ರಭಸದಿ ಬಿತ್ತರಿಸಲು ಗುಣ ॥ ಭೃತ್ಯವರದ ಶ್ರೀ ಪುರಂದರವಿಠಲ ಹಸ್ತಿಗೊಲಿದ ಪರವಸ್ತುವು ನೀನೇ

Sthala Comment None