ಹರಿದಾಸರ ಕೀರ್ತನೆ

ನಿಲ್ಲಬೇಕಯ್ಯಾ ನೀನು ಕೃಷ್ಣಯ್ಯಾ ನಿಲ್ಲಬೇಕಯ್ಯಾ ನೀನು ನಿಲ್ಲಬೇಕಯ್ಯಾ ನೀ ಮಲ್ಲಮರ್ದನ ಸಿರಿ ವಲ್ಲಭ ಎನ್ನ ಹೃದಯದಲಿ ಸತತ ಸುಪ್ಪಾಣಿ ಮುತ್ತಿಟ್ಟು ನೋಡುವೆ ನಿನ್ನ ಚಪ್ಪಾಳಿ ತಟ್ಟುತ ನಾ ಪಾಡುವೆ ॥ ಅಪ್ಪ ಶ್ರೀ ಕೃಷ್ಣ ನಿನ್ನನೆತ್ತಿ ಮುದ್ದಿಸಿಕೊಂಬೆ ಸರ್ಪಶಯನ ಕೃಪೆ ಮಾಡೆಂದು ಬೇಡುವೆ ಚೆಂದದ ಹಾಸಿಗೆ ಹಾಸುವೆ ಪುನಗು ಗಂಧ ಕಸ್ತೂರಿಯ ಪೂಸುವೆ ॥ ತಂದು ಮುದದಿ ಮುತ್ತಿನ ಹಾರ ಹಾಕುವೆ ಅಂದದಿಂದಲಿ ನಿನ್ನನೆತ್ತಿ ಮುದ್ದಿಸಿಕೊಂಬೆ ನೀಲದ ಕಿರೀಟವನಿಡುವೆ ಬಲು ಬಾಲಲೀಲೆಗಳನು ಪಾಡುವೆ ॥ ಚೆಲ್ವ ಶ್ರೀ ಪುರಂದರ ವಿಠಲರಾಯನೆ ನಿಲ್ಲು ಎನ್ನ ಮನದಲಿ ಒಂದೇ ಗಳಿಗೆ

Sthala Comment None