ಹರಿದಾಸರ ಕೀರ್ತನೆ

ಕೊಡುವುದೆಂದು ಎನ್ನ ಕೊಂಬುದೆಂದು ಕೈ-| ಪಿಡಿವುದೆಂದು ನೀ ಒಲಿವುದೆಂದು. ಕೊಡುಕೊಂಬ ಮಹದನುಗ್ರಹದವನೆಂದು ನಿ-| ನ್ನಡಿಗೆ ಸೇರಿದೆನಯ್ಯ ಬಡತನಕೌಷಧ ಶ್ವಾನಸೂಕರ ಜನ್ಮ ನಾನುಂಬೆ ನನ್ನಲ್ಲಿ | ನೀನೇ ತತ್ತದ್ರೂಪನಾದೆಯಲ್ಲ || ಹೀನರೊಳ್ ನಾನತಿ ಹೀನನಾಗಿ-ಅಭಿ-| ಮಾನಿಯಾಗಿ ಕಾಲಕಳೆದೆನಲ್ಲ || ವಾನರನಂಗೈಯ ಮಾಣಿಕ್ಯದಂತೆನ್ನ | ಮಾನದಂತರ್ಯಾಮಿ ಸಿಕ್ಕೆಯಲ್ಲ ॥ ಏನೇ ಆದರು ನಿನ್ನೊಳೆನಗೆ ಮುಂದೆ ಭಕ್ತಿ | ಜ್ಞಾನ-ವೈರಾಗ್ಯ ಭಾಗ್ಯಗಳನು ದೇವ ಕಾಡಿನ ಮೃಗವು ತಾ ಹಾಡಿದರೆ ನಂಬಿ । ಆಡುವುದಲ್ಲದೆ ಓಡುವುದೆ? ।। ಕಾಡುವ ಪಶುವಿನ ಬಾಲವ ಕಟ್ಟಿಸಿ | ಕೂಡೆ ಪಾಲ್ಗರೆಯಲು ಒದೆಯುವುದೆ? ।। ಆಡುವ ಶಿಶು ತಪ್ಪಮಾಡಲು ಜನನಿ-ಕೊಂ-| ಡಾಡುವಳಲ್ಲದೆ ದೂಡುವಳೆ | ಮೂಢ ಬುದ್ಧಿಯೊಳು ಕೆಟ್ಟಿನೆಂದು-ಕೋಪ | ಮಾಡಬೇಡ ದಯಮಾಡಿ ನೀಡಿಷ್ಟವ ಹಣ್ಣಾದ ಹೊತ್ತು ಬಾಯ್ ಹುಣ್ಣಾದ ತೆರನಂತೆ | ನಿನ್ನ ಸೇರುವ ಯತ್ನ ಬಿಟ್ಟು ನಾನು || ಹೆಣ್ಣು ಹೊನ್ನು ಮಣ್ಣಿಗಾಗಿಯೆ ಭ್ರಮೆಗೊಂಡೆ | ಸುಣ್ಣಕಿಕ್ಕಿದ ನೀರಿನಂತಾದೆನು || ಎನ್ನಪರಾಧವನಂತ ಕ್ಷಮಿಸು ನೀನು | ಮನ್ನಿಸದಿರಲಾರಿಗೆ ಪೇಳ್ವೆನು ॥ ಓಂ ನಮೋ ಶ್ರೀ ಹರಿ ಎಂಬ ಪೂರ್ಣಜ್ಞಾನ-| ವನ್ನು ಪುರಂದರವಿಠಲನೆ ಎನ್ನಪ್ಪನೆ

Sthala Comment None