ಹರಿದಾಸರ ಕೀರ್ತನೆ

ಕೆಟ್ಟೆನಲ್ಲೊ ಹರಿಯೆ | ಸಿಟ್ಟು ಮಾಡಿ ಎನ್ನ ಬಿಟ್ಟು ಕಳೆಯ ಬೇಡ ಬಂದೆನು ನಾ ತಂದೆ ತಾಯಿಗಳುದರದಿ | ಒಂದನೂ ಅರಿಯದೆ ಬಾಲಕತನದೊಳು || ಮುಂದುವರಿದ ಯೌವನದೊಳು ಸತಿ ಸುತ-| ರಂದವ ನೋಡುತ ನಿನ್ನ ನಾ ಮರೆತೆನೊ ಸ್ನಾನ ಸಂಧ್ಯಾನವು ಹೀನವಾಯಿತು ಬಹು-| ಮಾನವಿಲ್ಲದೆ ಕುಲಹೀನರಾಶ್ರಯದಿಂದ || ಜ್ಞಾನಿಗಳೊಡನಾಟವಿಲ್ಲದೆ ಮನದೊಳು | ದಾನ-ಧರ್ಮದ ಬಟ್ಟೆಯೆಂತೆಂದು ಮರೆತನು ಮೊದಲೆ ಬುದ್ಧಿಯು ಹೀನ ಅದರೊಳು ವೃದ್ಧಾಪ್ಯ | ಕದನವು ದಶದಿಕ್ಕಿನುದಯದ ರಾಯರ ॥ ಎದೆನೀರು ಬತ್ತಿತು ಅದರಿಂದ ನಿನ್ನಯ | ಪದಪದ್ಮಯುಗಳದ ತುದಿಯ ನಾ ಮರೆತೆನು ಮೂಢನಾದೆನು ನಿನ್ನ ಬೇಡಿಕೊಳ್ಳದೆ ನಾನು | ಕಾಡೊಳಗಾಡುವ ಮೃಗದಂತೆ ಜೀವಿಸಿ | ಗೂಡೊಳಗಿರುತಿಹ ಗೂಬೆಯ ತೆರನಂತೆ । ಮಾಡದೆ ನಿನ್ನಯ ಸ್ಮರಣೆಯ ಮರೆತೆನು ಬುದ್ಧಿಹೀನನು ನಾನು ಉದ್ಧರಿಸೆಲೊ ದೇವ | ಮುದ್ದು ಶ್ರೀ ಪುರಂದರ ವಿಠಲನೆನ್ನ | ಬುದ್ಧಿಯೊಳಡಗಿಯೆ ತಿದ್ದಿಟ್ಟು ನಡೆಸಯ್ಯ । ಪೊದ್ದುವೆ ನಿನ್ನಯ ಚರಣಾರವಿಂದವ

Sthala Comment None