ಹರಿದಾಸರ ಕೀರ್ತನೆ

ಓಡಿ ಬಾರಯ್ಯ ವೈಕುಂಠಪತಿ ನಿನ್ನ ನೋಡುವೆ ಮನದಣಿಯೆ ನೋಡಿ ಮುದ್ದಾಡಿ ಮಾತಾಡಿ ಸಂತೋಷದಿ ಪಾಡಿ ಪೊಗಳುವೆನು ಪರಮ ಪುರುಷ ಹರಿ ಕೆಂದಾವರೆಯಂತೆ ಪಾದಂಗಳೆರಡು ಅಂದುಗೆ ಕಿರುಗೆಜ್ಜೆ ಘಲುಘಲುರೆನುತ ॥ ಚೆಂದದಿ ಪೀತಾಂಬರ ವಲೆದಾಡುತ ಕುಂದಣದುಡುದಾರ ಝಣ ಝಣ ಝಣಕುತ ಕೋಟಿ ಸೂರ್ಯ ಪ್ರಕಾಶಗಳಿಂದಲಿ ಲ- ಲಾಟದಲ್ಲಿ ಇಟ್ಟ ಕಸ್ತುರಿ ತಿಲಕ ॥ ಕೂಟದ ಗೋಪಾಂಗನೆಯರ ಕೂಡೆ ಆಟ ಸಾಕು ಬಾರೋ ಅರವಿಂದನಯನ ಕಿರುತುರುಬಿನ ಮೇಲೆ ಒಲೆವುತಿರುತಿರೆ ಮರುಗ ಮಲ್ಲಿಗೆ ಜಾಜಿ ಶ್ರೀತುಳಸೀ ॥ ಕರದಲಿ ಪಿಡಿದಾ ಪೊಂಗೊಳಲೂದುತ ತಿರಿತಿಂದು ಬಾಹೋ ಸಡಗರ ಸಾಕೋ ಎಣ್ಣೂರಿಗತಿರಸ ಸದಮಲ ದೋಸೆ ಬೆಣ್ಣೆ ಅಣ್ಣಯ್ಯ ನಿನಗೆ ಕೊಡುವೆನೋ ಬಾರೋ ॥ ಕಣ್ಣಮುಚ್ಚಿ ಗೋಪಾಂಗನೆಯರ ಕೂಡಿ । ಬೆಣ್ಣೆಯ ಮೆಲುವುದು ಉಚಿತವೆ ಸಾಕೋ ಮಂಗಳಾತ್ಮಕ ಮೋಹನಾಕಾರನೆ ಸಂಗೀತ ಲೋಲ ಸದ್ಗುಣ ಶೀಲ ॥ ಮಂಗಳೆ ಲಕುಮಿಯ ಸಹಿತವಾಗಿ ಬಂದು ಕಂಗಳ ಮುಂದಾಡೊ ಪುರಂದರ ವಿಠಲ

Sthala Comment None