ಏಕೆ ದಯಮಾಡಲೊಲ್ಲೆ ಎಲೊ ಹರಿಯೆ |
ಮೂಕನಾಗುವರೆ ಹೀಗೆ
ಲೋಕವನು ರಕ್ಷಿಪ ಲಕ್ಷ್ಮೀಕಾಂತನು ನೀನೇ |
ವಾಕುಮೊರೆಗಳ ಕೇಳಿ ಒಲಿದು ದಯಮಾಡಯ್ಯ.
ಅರ್ಥವಿಲ್ಲದ ಬಾಳ್ವೆಯು ಇರುವುದಿದು|
ವ್ಯರ್ಥವಾಗಿದೆ ಶ್ರೀಪತಿ |
ಕರ್ತು ನಿನ್ನೊಳು ನಾನು ಕಾಡಿ ಬೇಡುವನಲ್ಲ|
ಸತ್ವರದಿ ದಯಮಾಡೊ ತುಳಸೀದಳಪ್ರಿಯ
ಮನದೊಳಗಿನ ಬಯಕೆ ಎಲೈಸ್ವಾಮಿ |
ನಿನಗೆ ಪೇಳುವೆನು ನಾನು ||
ಬಿನುಗು ದೇವತೆಗಳಿಗೆ ಪೇಳಲಾರೆವೊ ಹರಿಯೆ।
ತನುಮನ ನಿನ್ನ ಕೂಡ ಇಹವು ದಯಮಾಡೊ
ಮೂರು ಲೋಕವ ಪಾಲಿಪ – ಎನ್ನಯ ಸ್ವಾಮಿ ।
ಭಾರವೆ ನಿನಗೆ ನಾನು ||
ಕಾರುಣ್ಯನಿಧಿ ನಮ್ಮ ಪುರಂದರವಿಠಲ ಶ್ರೀ - |
ದಾರಾಮನೋಹರ ಸಾಕಾರ ದಯವಾಗೊ
Music
Courtesy:
ಸ್ಥಲ -
ಕೀರ್ತನೆ
ವಿಷಯ -
ಆತ್ಮ ನಿವೇದನೆ
