ಹರಿದಾಸರ ಕೀರ್ತನೆ

ಎನ್ನ ಮನದ ಡೊಂಕ ತಿದ್ದಿ- ಚರಣದಲ್ಲಿ ಸೇರಿಸೋ | ನಿನ್ನ ಸೇವಕನಾದ ಮೇಲೆ ಇನ್ನು ಸಂಶಯವೇಕೆ ಕೃಷ್ಣ ಉದಯವಾದರೆ ಊಟದ ಚಿಂತೆ ಅದರ ಮೇಲೆ ಭೋಗದ ಚಿಂತೆ | ಹದಿನಾಲ್ಕು ಲೋಕಂಗಳನಾಳಬೇಕೆಂಬ ಚಿಂತೆ ॥ ಇದು ಪುಣ್ಯ ಪಾಪವೆಂದು ಹೃದಯದಲಿ ಭಯವಿಲ್ಲದಲೆ | ಮದ ಮೋಹಿತನಾದೆ ನಿನ್ನ ಪದವ ನಂಬದೆ-ದಯಾಳೊ ನೆರೆಮನೆಗಳ ಭಾಗ್ಯವ ನೋಡಿ ತರಹರಿಸುತ ಅಸೊಯೆಯಿಂದ | ಹರಿಯ ಸ್ಮರಣೆಗೆ ವಿಮುಖನಾದೆ ನರರಸ್ತುತಿಯ ನಾ ಮಾಡಿದೆ || ಪರರ ಸತಿಗೆ ಪರರನ್ನಕೆ ತಿರುಗಿ ತಿರುಗಿ ಚಪಲನು ಆದೆ । ಗುರುಹಿರಿಯರ ದೂಷಿಸುತಲಿ ಮರುಳನಾದೆ ದೀನಶರಣ್ಯ ಅಗಣಿತ ಸುಖ ಬಂದರೆ ನಾನು- ಗಣಿತ ದುಃಖಕೆ ಹರಿಯೆನ್ನುವೆನು | ಜಗದೊಳಾವ ಲಾಭವು ಬಂದರು ಧನಿಯು ನಾನೆ ಎಂಬೆ ॥ ಮಿಗೆ ಹಾನಿಗೆ ಹರಿಯನು ದೂಷಿಸಿ ನೆಗೆದು ಪತಂಗವು ಕಿಚ್ಚಲಿ ಬೀಳುವ | ಬಗೆ ನಾನಾದೆನು ಪುರಂದರ ವಿಠಲನ ಖಗರಾಜ ಸುವಾಹನ ಶ್ರೀ ಕೃಷ್ಣ

Sthala Comment None