ಹರಿದಾಸರ ಕೀರ್ತನೆ

ಇನ್ನೇನು ಗತಿ ಎನಗೆಲೊ ಹರಿಯೆ ನಿನ್ನನು ನೆನೆಯದೆ ಮೋಸಹೋದೆನಲ್ಲ ಅಂಕದೊಳಾಡುವ ಶಿಶುವಿನ ಮುದ್ದಿನ | ಬಿಂಕದ ನುಡಿಗಳ ಕೇಳುತಲಿ | ಕಿಂಕಿಣಿ ಧ್ವನಿಯನು ಕಿವಿಗೊಟ್ಟು ಕೇಳುತ | ಮಂಕು ಹರಿಣನಂತೆ ಆದೆನಲ್ಲ ಪರವನಿತೆಯರ ಲಾವಣ್ಯಕೆ ಲೋಚನ | ಚರಿಸುತಲವರ ಕೂಟಕೆ ಬೆರಸಿ ॥ ಉರಿವ ಕಿಚ್ಚು ತನಗೆ ಹಿತವೆಂದು ಅದರೊಳು | ಎರಗಿದ ಪತಂಗದಂತಾದೆನಲ್ಲ ತೊಡೆಯೆಡೆ ಗುಹ್ಯಕಾಂಬೆನೊ ಕಾಣೆನೋ ಎಂದು । ಮಡದಿಯರಂಗಸಂಗವ ಮಾಡುತ || ಒಡಲ ತೀಟಕೆ ಪೋಗಿ ಬಡಿಗಲ್ಲ ಕೆಡಹಿಕೊಂ-| ಡಡಗಿದ ಮೂಷಕನಂತಾದೆನಲ್ಲ ಸಲೆ ನಿಜವೃತ್ತಿಯ ಬಿಟ್ಟು ಪರಾನ್ನವ | ನಲಿದುಂಡು ಹೊಟ್ಟೆಯ ಹೊರೆಯುತಲಿ ॥ ಬಲೆಯ ತುದಿಯ ಮಾಂಸಕೆ ಬಂದೆರಗುತ | ಸಿಲುಕಿದ ಮೀನಿನಂತಾದೆನಲ್ಲ ಲಂಪಟನಾಗಿ ನಾರಿಯರ ಮುಖಾಬ್ಜದ । ಸೊಂಪಿನ ಕಂಪನಾಘ್ರಾಣಿಸುತ | ಸಂಪಿಗೆ ಹೂವಿನ ಮೇಲೆ ಮಲಗಿ ತನ್ನ ಸೊಂಪಳಿದಳಿಯಂತೆ ನಾನಾದೆನಲ್ಲ ಇಂತು ಪಂಚೇಂದ್ರಿಯ ತಮತಮ್ಮ ವಿಷಯಕೆ ಮುಂತಾಗಿ ತಮ್ಮ ತಾವಲೆಯುತಿರೆ ॥ ಸಂತತ ತಮತಮ ವಿಷಯಕೆ ಎಳಸಲು ಕಾಂತಾರದರಸನಂತೆ ಆದೆನಲ್ಲ ಕಂದರ್ಪಲೀಲೆಯ ಗೆಲಿದುಳ್ಳ ಭಕ್ತಿಯ । ತಂದು ಪಂಚೇಂದ್ರಿಯಗಳಿಗೆನ್ನಯ ॥ ತಂದೆ ಪುರಂದರ ವಿಠಲನ ನೆನೆದರೆ | ಎಂದೆಂದಿಗೂ ಭವಬಂಧನ ಬಾರದಲ್ಲ

Sthala Comment None