ಹರಿದಾಸರ ಕೀರ್ತನೆ

ನಲಿದಾಡೆ ಎನ್ನ ನಾಲಿಗೆ ಮೇಲೆ – ಸರಸ್ವತಿ ದೇವಿ ಕುಣಿದಾಡೆ ಎನ್ನ ನಾಲಿಗೆ ಮೇಲೆ ಸಲಿಲಜೋದ್ಬವನ ವದನ ನಿಲಯಳೇ ಇಳೆಯೊಳಪ್ರತಿಮ ಗುಣಾಂಬುಧಿ ತಾಯೆ ಘಿಲುಘಿಲು ಘಿಲ್ಲು ಗೆಜ್ಜೆಯ ನಾದ ಭಳಿ ಭಳಿರೆಂಬಂದುಗೆ ಹೊಳೆವ ಬೆರಳುಂಗುರ ಕಿಣಿಕಿಣಿನಾದ |ಎಳೆಯ ಮಾವಿನ | ತಳಿರ ಪೋಲುವ ದಿವ್ಯ ಪಾದ |ಚೆಲ್ವಪೆಂಡೆಯ ಭೇದ|| ನಲಿವ ಯುಗಳ ಜಂಘೆ |ಜಲಗುಳ್ಳೆಯಂತೆ ಜಾನು | ಥಳಥಳಿಸುವ ತೊಡೆ ಹೊಳೆವ ಸುಗುಣಿಯೆ ದಿನಕರ ಕೋಟಿ ತೇಜದಿ ಹೊಳೆವ ಅನುಪಮವಾದ | ಕನಕವಸನದಿಂದಲಿ ಎಸೆವ । ಘನವಾದ ಜಘನ ಗ- ಗನದಂದದಿ ಕಟಿಯಲ್ಲಿ ಮೆರೆವ ಮಣಿದಾಮವಿಭವ || ತನು ಜಠರವು ಜಾಹ್ನವಿ ಸುಳಿನಾಭಿಯು ಘನಸ್ತನಯುಗಳ ಚೆಂದನಲೇಪಿತಳೆ ದುಂಡುಮುತ್ತಿನ ಕೊರಳ ಹಾರ | ಉದ್ದಂಡಮಣಿ ಪ್ರ-1 ಚಂಡ ಮಿಣಿಮಿಣಿಸುವ ಹೊನ್ನಿನ ಹಾರ ಕರಿರಾಜಪೋತನ 1 ಸೊಂಡಿಲಿನಂತೆ ಭುಜದ ಭಾರ ನಡೆವ ಒಯ್ಯಾರ || ಮಂಡಿತವಾದ ಕಂಕಣ ತೋಳ್ಬಳೆಗಳು | ದುಂಡು ಹವಳ ಕೈಕಟ್ಟುಳ್ಳವಳೆ ನಸುನಗು ಮುಖವು ನಾಸಾಭರಣ | ಎಸೆವ ಕಪೋಲ । ಹೊಸ ಕುಂಡಲ ಚಳತುಂಬುಳ್ಳ ಶ್ರವಣ | ಬಿಸಜದಳದಂತೆ 1 ಶಶಿ ಸೂರ್ಯರ ಆಭರಣ ಸುಶೋಭಿತೆ | ಎಸೆವ ಕರ್ಣಾಂತವಾದ ನಯನ | ತಿಲಕದ ಹಸನ | ಕುಸುಮ ಮುಡಿದ ಮೂರ್ಧಜವುಳ್ಳವಳೇ ಸಿಂಗಾರದ ಜಡೆಬಂಗಾರ | ಹೊಂಗೇದಗೆ ಮುಡಿದ | ಬಂಗಾರದ ಹೆರಳಿನ ರಾಗುಟಿ ವರ । ಭೃಂಗದ ಸ್ವರ | ಹಿಂಗದೆ ಭಕ್ತರ ಸಲಹುವ ಭಾರ | ಕಂಗಳ ಮನೋಹರ ರಂಗ ಪುರಂದರ ವಿಠಲರಾಯನ | ಮಂಗಳ ಮೂರ್ತಿಯ ತೋರೆ ಶುಭಾಂಗಿ

Sthala Comment None