ಹರಿದಾಸರ ಕೀರ್ತನೆ

ಶ್ರೀಮದಾನಂದ ತೀರ್ಥ ಹನುಮ । ಭೀಮ ನಿನ್ನ ಸಮಾನ ಪುರುಷರು ಈ ಮೂಜಗದೊಳಿಲ್ಲವೆಂದು ಶ್ರೀ ರಾಮ ಸಹಭೋಜನವನೀಯನೆ? ಹರಿವಿರಿಂಚಿ ಸಹಾಯದಿಂದ | ಹರನು ತ್ರಿಪುರವನಳಿಯಲಾಗ | ಬರಿದೆ ಕೊಂಡಾಡಿದರು ಸರ್ವರು | ಅರಿಯದೆಯೆ ನಿನ್ನ ಸಾಹಸ || ಶರಧಿ ಲಂಘಿಸಿ ದಾನವರನು ತರಿದು ಸೀತೆಗೆ ಉಂಗುರವಿತ್ತು | ಪುರವನುರುಹಿ ಹರಿಯಡಿಗೆ ಆ ಕುರುಹ ತಂದು ಮುಟ್ಟಿಸಿದೆಯೊ ಸಾಸಿರದ ತನ್ನ ಪೆಡೆಯ ನಡುವೆ । ಈಸು ಸಚರಾಚರವನೆಲ್ಲ | ಸಾಸಿವೆಯಂದದಲಿ ಇಟ್ಟಾ । ಶೇಷನ-ಮೂಲರೂಪದ ॥ ಆ ಶಕುತಿಯನು ತೋರಿಸಲು ದಶಾಸ್ಯನೆಳೆಯುವ ಸೌಮಿತ್ರಿಯನು ದಾಶರಥಿಯ ಬಳಿಗೆ ತಂದು । ನೀ ಸಲಹಿದೆ ಜಗವರಿಯಲು ತನ್ನ ಜನನಿಯೊಬ್ಬಳಿಗೆ ಸುಪರ್ಣ ಬಳಲಿ ಸುಧೆಯ ತರಲು ಇನ್ನು ಪೊಗಳುತಿಹುದು ಲೋಕ | ನಿನ್ನಂತೆ ದೂರದಲಿಹ | ಉನ್ನತದ ಶತಯೋಜನಗಲದ | ಅನ್ಯರು ತರಲಾರದ ಸಂಜೀ | ವನ್ನ ಗಿರಿಯ ತಂದು ಕಪಿಗಳನ್ನು ಕಾಯ್ದೆ ತವಕದಿಂದ ಸಕಲ ಪ್ಲವಗನಿಕರ ರಾಮನ | ತ್ರಿಕರಣ ಸೇವೆಯನು ಮಾಡಿ ! ಮುಕುತಿ ಬೇಡಲಿತ್ತು ನಿನಗೇನು | ಬೇಕೆಂದು ಕೇಳಲು ನೀನು ನಾ | ಲುಕು ಪುರುಷಾರ್ಥಗಳ ಜರಿದು | ಭಕುತಿಯ ಕೊಡು ಎನಲು ನವಕ ನಕದ ಮಾಲೆ ಕೊರಳಿಗಿಟ್ಟು ಜಾ | ನಕಿರಮಣನು ನಿನ್ನ ಪೊಗಳಿದ ಶರಧಿಯ ಮಥನದೊಳುದಿಸಿದ | ಗರಳ ಜಗತ್ತನು ಅಂಜಿಸೆ ಸಿರಿಯರಸನ ಪೆರ್ಮೆಯಿಂದ | ಸುರಿದು ಅದನು ಜೀರ್ಣಿಸಿಕೊಂಡ || ಮಾರುತನವತಾರ ವೃಕೋ । ದರನೆ ನೀನು ಎಂದರಿಯದೆ ಮರುಳ ಕೌರವರಿಕ್ಕಿದ ವಿಷವ । ಭರದಿ ಉಂಡು ತೇಗಿದುದರಿದೆ ? ಅವನಿ ಭಾರಕೆ ಮುಖ್ಯರಾದ | ಕವುರವ ಕೀಚಕಾದಿಗಳನು ಬವರ ಮುಖದಿ ನಗುತ ಗೆಲಿದು ಹವಿಯ ಕೃಷ್ಣನಿಗರುಪಿಸಿ ದಿವಿಜರೆದುರುಗೊಳಲು ಅವರ | ನವರತಾರತಮ್ಯದಿ ಮನ್ನಿಸಿ । ಪವನಲೋಕದೊಳು ಮೆರೆದೆ ದ್ರವುಪದಿಯ ಸಹಿತನಾಗಿ ಸುರಾಸುರರ ಸಂಗ್ರಾಮದಲಿ । ಅರಿ ವಿಪ್ರಚಿತ್ತಿಯ ನೀನು ಕೊಲ್ಲಲು | ವಿರಿಂಚಿ-ಹರರ ವರದಿಂದವನೆ | ಜರಾಸಂಧನಾಗಿ ಇಳೆಯೊಳು | ಅರಸುಗಳನು ಕಾಡಲವನ ಸರ್ರನೆ ಸೀಳಿ ಪಶುವಿನಂತೆ ಹರಿಗೆ ಅರ್ಪಿಸಲವನು ಸಕಲಾ । ಧ್ವರಕ್ಕಿಂತಲು ತೃಪ್ತನಾದ ನಡುಮನೆಯೆಂಬ ಸಾಧುದ್ವಿಜನ | ಮಡದಿಯ ಬಸಿರಿನಲಿ ಉದಿಸಿ ಕಡು ಕುಮತದ ಮಾಯಿಗಳನು | ಅಡಿಗಡಿಗೇ ಸಚ್ಛಾಸ್ತ್ರದಿ ॥ ತಡೆದು ಆನಂದ ಶುಭಗುಣಗಳ ಕಡಲು ಹರಿಸರ್ವೋತ್ತಮನೆಂದು ಒಡಂಬಡಿಸಿ ಸ್ವಮತವನ್ನು । ಪೊಡವಿಯೊಳಗೆ ಸ್ಥಾಪಿಸಿದೆಯೊ ನೀ ಮರುತ ನಿನ್ನವತಾರ ತ್ರಯವ | ನರಿತು ಭಜಿಪಗೆ ಶ್ವೇತದ್ವೀಪ । ದರುಶನವನೆ ಮಾಡಿಸಿ ಶ್ರೀ | ಪುರಂದರ ವಿಠಲೇಶನ । ಕರುಣಕಟಾಕ್ಷದಿಂದ ವೈಕುಂಠ ಪುರದಿ ಅನಂತಾಸನದಲಿ | ಪರಮಾನಂದವ ಪಡಿಸಿ ಹೊರೆವೆ । ಪರಿಪರಿಯ ಭೋಗಗಳನಿತ್ತು

Sthala Comment None