ಹರಿದಾಸರ ಕೀರ್ತನೆ

ಮಾಮಝ ಭಾಪುರೆ ಭಳಿರೆ ಹನುಮಂತ ರಾಮಪದ ಸೇವಿಪ ವೀರ ಹನುಮಂತ ಹುಟ್ಟುತಲೆ ಹೊನ್ನ ಕಚ್ಚುಟವ ಕುಂಡಲವೆರಸಿ ನಿಷ್ಠೆಯಲಿ ರಘುಪತಿಯ ಪಾದವನೆ ಕಂಡು ॥ ದಿಟ್ಟಿ ಹರಿದಾಡಿ ಮನಮುಟ್ಟಿ ಪೂಜಿಸಲಜನ ಪಟ್ಟಕನುವಾದ ಸಿರಿವಂತ ಹನುಮಂತ ಅಂಬರಕೆ ಪುಟನೆಗೆದು ಅಂಬುಧಿಯ ನೆರೆ ದಾಟಿ ಕುಂಭಿನಿಯ ಮಗಳಿಗುಂಗುರವನಿತ್ತು । ಬೆಂಬಿಡದೆ ಲಂಕೆಯನು ಸಂಭ್ರಮದಿ ಸಖಗಿತ್ತೆ ಗಂಭೀರ ವೀರಾಧಿವೀರ ಹನುಮಂತ ಅತಿದುರುಳ ರಕ್ಕಸನು ರಥದ ಮೇಲಿರಲು ರಘು- ಪತಿಯು ಪದಚರಿಯಾಗಿ ನಿಂತಿರಲು ನೋಡಿ | ಪೃಥವಿ- ಗಗನಕೆ ಬೆಳೆದು ರಥವಾದೆ ಒಡೆಯನಿಗೆ ಅತಿ ಭಯಂಕರ ಸತ್ವವಂತ ಹನುಮಂತ ಒಡೆಯ ಉಣಕರೆಯಲಂದಡಿಗಡಿಗೆ ಕೈಮುಗಿದು ದೃಢಭಕ್ತಿಯಿಂದ ಮೌನದಿ ಕುಳಿತು || ಎಡೆಯಕೊಂಡೆದ್ದೋಡಿ ಗಗನದಿ ಸುರರಿಗೆ ಕೊಡುತ ಸವಿದುಂಡ ಗುಣವಂತ ಹನುಮಂತ ಪ್ರಥಮದಲಿ ಹನುಮಂತ ದ್ವಿತೀಯದಲಿ ಕಲಿಭೀಮ ತೃತೀಯದಲಿ ಗುರುಮಧ್ವಮುನಿಯೆನಿಸೀ ॥ ಪ್ರತಿಯಿಲ್ಲದಲೆ ಮೆರೆದೆ ಪುರಂದರ ವಿಠಲನ ಸುತ್ತ ನಿನಗಾರು ಸರಿ - ವಿಜಯ ಹನುಮಂತ

Sthala Comment None