ಹರಿದಾಸರ ಕೀರ್ತನೆ

ಆ ರಣಾಗ್ರದಿ ಭೀಮಗಡ್ಡಯಿಪರಾರು? । ವಾರಿಧಿ ಮೇರೆದಪ್ಪಲು ನಿಲ್ಲಿಸುವವರಾರು? ನಾನಾ ದೇಶದ ಭೂನಾಯಕರಿದ್ದರಲ್ಲವೆ ತಾನು ದುಶ್ಯಾಸನನ ತತ್ತರಿವಾಗ || ಮೌನಗೊಂಡರಲ್ಲದೆ ಮುಂಕೊಂಡು ಬಿಡಿಸಿದರೆ ಆನೆಯ ಕೈಯ ಕಬ್ಬಿಗೆ ಅಂಗಯಿಸುವರಾರು? ಘುಡುಘುಡಿಸುತ ರಾಯ ಕುರುಪತಿಯನು ಕೆಡಹಿ ತೊಡೆಗಳನು ಗದೆಯಿಂದ ತುಂಡಿಸುವಾಗ ॥ ಕಡುಕೋಪದವ ಹಲಧರನೇನ ಮಾಡಿದ? ಬಡವನ ಕೋಪ ದವಡೆಗೆ ಮೃತ್ಯುವಲ್ಲವೆ? ಸಂದಿಗೆ ಸಾವಿರ ಸಿಂಹಸತ್ವದ ಕೀಚಕನ ಕೊಂದು ಬಿಸುಡುವಾಗ ಮುಂಕೊಂಡರುಂಟೆ? ॥ ಚೆಂದದಿ ಪುರಂದರ ವಿಠಲನದಾಸರು ಮನ ದಂದಕೆ ಬಂದಂತೆ ನಡೆದುದೆ ಮಾರ್ಗ

Sthala Comment None