ಹೊರ ಹೋಗಿ ಆಡದಿರೊ ಹರಿಯೆ-|
ಎನ್ನ ದೊರೆಯೇ
ಮನೆಯೊಳಗಾಡುವುದೆ ಚೆಂದ - ನೆರೆ-|
ಮನೆಗಳಿಗೇಕೆ ಪೋಗುವೆಯೊ ಮುಕುಂದ ||
ವನಿತೆಯರು ಮೋಹದಿಂದ - ನಿನ್ನ |
ಮನವಪಹರಿಸಿಕೊಂಬುವರೋ ಗೋವಿಂದ
ಏನು ಬೇಡಿದರೂ ನಾ ಕೊಡುವೆ-ಕೆನೆ-|
ಬೆಣ್ಣೆ ಕಜ್ಜಾಯವ ಕೈಯೊಳಗಿಡುವೆ ॥
ನಿನ್ನ ಗುಣಗಳನು ಕೊಂಡಾಡುವೆ - ನಿನಗೆ |
ಚಿನ್ನ ರನ್ನದ ಅಲಂಕಾರಗಳಿಡುವೆ
ಹೊಲಸು ಮೈಯವನೆನ್ನುವರೊ-ದೊಡ್ಡ |
ಕುಲಗಿರಿಯನ್ನು ಪೊತ್ತವನೆನ್ನುವರೊ ॥
ಬಲುಕೇಶದವನೆನ್ನುವರೊ-ಆ ।
ಎಳೆಯನನೆತ್ತಿದ ಕುರೂಪಿಯೆಂಬುವರೊ
ಭಿಕ್ಷೆ ಬೇಡಿದೆ ಎಂಬುವರೊ-ಭೂಮಿ ।
ರಕ್ಷಿಪ ರಾಯರ ಕಡಿದೆಯೆಂಬುವರೊ ||
ಲಕ್ಷ್ಮಿಯ ಕಳೆದೆಯೆಂಬುವರೊ ವೈ-।
ಲಕ್ಷಣ ಬೆಣ್ಣೆಯ ಕದ್ದೆಯೆಂಬುವರೊ
ಮಾನ ಬಿಟ್ಟವನೆನ್ನುವರೊ-ಮಹಾ ।
ಹೀನರ ಬೆನ್ನಟ್ಟಿ ಹೋದನೆಂಬುವರೊ |
ದಾನವವೈರಿಯೆಂಬುವರೊ-ಸುರ-|
ರಾನತ ಪುರಂದರವಿಠಲನೆಂಬುವರೊ
Music
Courtesy:
ಸ್ಥಲ -
ಕೀರ್ತನೆ
ವಿಷಯ -
ಕೃಷ್ಣಲೀಲೆ
