ಮನಸು ನಿನ್ನ ಮೇಲೆ ಬಹಳ ಕಾಲ |
ಅನುಕೂಲಿಸದೊ ಗೋಪಾಲ
ನಿನ ಕೂಡೆ ಈಗ ಕೂಡುವೆನೆಂದರೆ ಮನೆ-|
ಜನರೆಲ್ಲರು ಕೂಡಲೀಸರೊ ಕೃಷ್ಣ
ಗಂಡನೆಂಬವನು ಉದ್ದಂಡ-ಎನ್ನ ।
ಕಂಡರೆ ಸೇರನು ಭಾವ ಪ್ರಚಂಡ ॥
ಭಂಡೆ ಅತ್ತೆಯು ಲಂಡೆ ಅತ್ತಿಗೆ ಕೇಳೊ |
ಕಂಡರಿಬ್ಬರನು ದಂಡಿಸುವರೊ ರಂಗ
ನೆರೆಹೊರೆಯವರೆನ್ನನೆಲ್ಲ-ಮೈಯ ।
ನೆರಳ ಕಂಡರೆ ಸೇರರಲ್ಲ ||
ಸರಿಸಖಿಯರು ಎಲ್ಲ ಸುಮ್ಮನಿರುವರಲ್ಲ ।
ಮರೆಮಾತನಾಡಲು ವೇಳೆ ಕೂಡದೊ ರಂಗ
ಮದುವೆ ಮಾಡುವರೊ ಮನೆಯೊಳು-ನಾಳೆ |
ಅದರ ಸಂದಣಿಯ ಹೊಂಚಿನೊಳು ||
ಮುದದಿಂದ ಕೂಡುವೆನಾವ ಪರಿಯೊಳು |
ಮದನ ತಂತ್ರದಿಂದ ಪುರಂದರವಿಠಲ
