ಹರಿದಾಸರ ಕೀರ್ತನೆ

ನೀನಾರವ ಪೇಳೆನ್ನ ಕಣ್ಣ ಮುಚ್ಚುವೆ । ಮೌನಗೊಂಡರಿಯದಂತಿಪ್ಪ ಮಗುವೆ ಅತಿ ಚೆಲುವಿಗೆ ರತಿಪತಿಪಿತನೊ-ನೀ । ಶ್ರುತಿ ಸಕಲಾನ್ವಯ ಸನ್ನುತನೊ | ಚತುರ್ದಶ ಭುವನವನಾಳಿದನೋ-ನೀ । ಶತ ತಪ್ಪುಗಳನೆಣಿಸಿದವನೊ? ವರಗೋಕುಲಕೊಪ್ಪುವ ದೊರೆಯೊ-ನೀ | ಕರಿವೈರಿಯ ಮದಪರಿಹಾರಿಯೊ ॥ ಗಿರಿಯನುದ್ಧರಿಸಿದ ನಖರುಚಿಯೊ-ನೀ । ಮುರದೈತ್ಯನ ಮಡುಹಿದ ಸಿರಿಯೊ? ಮಂಗಳ ಶೋಭನ ಮಣಿಖಣಿಯೊ-ನೀ | ಹಿಂಗದೆ ಸ್ತುತಿಪರ ಗತಿದಾನಿಯೊ-ಗೋ-|| ಪಾಂಗನೆಯರ ಪ್ರಾಣದ ಧನಿಯೊ-ನೀ | ಸಿಂಗರ ಸೊಬಗಿನ ಶ್ರೀಪತಿಯೊ ಆಪತ್ತಿಗೆ ನೆನೆವರ ಗೋಚರನೊ–ನೀ । ಪಾಪಸಂಹಾರ ಪುರುಷೋತ್ತಮನೊ || ಚಾಪದಿಂದಸುರರ ಗೆಲಿದವನೊ-ಸಾಂ-I ದೀಪನ ಮಗನ ತಂದಿತ್ತವನೊ? ಬೆಸಗೊಂಡಳು ಗೋಪಿ ನಸುನಗುತ-ಆಗ । ಯಶೋದೆಗೆ ಚತುರ್ಭುಜ ತೋರಿಸುತ || ಅಸುರಾರಿಯ ಕಂಡು ಮುದ್ದಿಸುತ ನೀ ।। ಶಿಶುವಲ್ಲ ಪುರಂದರವಿಠಲೆನುತ

Sthala Comment None