ಹರಿದಾಸರ ಕೀರ್ತನೆ

ನಳಿನಜಾಂಡ ತಲೆಯದೂಗೆ ಇಳೆಯು ನಲಿದು ಮೋಹಿಸುತಿರಲು | ಕೊಳಲ ಪಿಡಿದು ಬಾರಿಸಿದನು । ಚೆಲುವ ಕೃಷ್ಣರಾಯನು ಪೊಳೆವ ಪೊಂಬಟ್ಟೆಯ ದಟ್ಟಿ । ಅಳವಡಿಸಿ ನೆಗಹಿ ನಿಂದ | ಹಲವು ರನ್ನದುಂಗುರವಿಟ್ಟ । ಚೆಲುವ ಬೆರಳ ನಟಿಸುತ ।। ಲಲಿತ ವಾಮಭಾಗ ತೋಳ-| ಲೊಲಿದು ಓರೆನೋಟದಿಂದ || ಬಲದ ಪಾದ ಎಡಕೆ ಚಾಚಿ | ನಳಿನಪದಗಳೊಪ್ಪುತಿರಲು ಸೆಳನಡುವಿನೊಳಗೆ ಕತ್ತರಿ | ಕಳೆಯ ಸಂಚಿ, ಗಜುಗ ಚೀಲ | ಬಿಳಿಯ ಮಣಿಯು ಗುಳ್ಳೆಗಳಿರಲು | ಮಲಯಜಾನು ಲೇಪನ ॥ ಜಲಜನೇತ್ರ ಕೌಸ್ತುಭದಿ-| ಗಳದಿ ಸ್ವರಗಳೊಪ್ಪುತಿರಲು || ಲಲಿತ ವೇಣು ಕಲ್ಪನೆಯಲಿ ಗೋ-| ವಳರೆಲ್ಲರು ಕುಣಿಯಲು ಮಾರವಿ ದೇಸಿ ಗುರ್ಜರಿ ಭೈರವಿ | ಗೌರಿ ನಾಟಿ ಸಾವೇರಿ ಆಹೇರಿ ॥ ಪೂರವಿ ಕಾಂಬೋದಿ ಪಾಡಿ ದೇಶಾಕ್ಷಿ ಶಂ-| ಶಕರಾಭರಣ ರಾಗದಿ । ಪೂರವಿ ಕಲ್ಯಾಣಿ ವಸಂತ ತೋಡಿ । ವರಾಳಿ ಗುಂಡಕಿ ಸಾರಂಗ ಸಾಳಗ | --------------------------------------- ಸೋರಟ ಭೂಪಾಳಿ ಶ್ರೀ ರಾಗದಿಂದಲಿ ಹರುಷದಿ ಬಾರಿಸುವ ರವಕೆ | ಪುರದ ಸ್ತ್ರೀ ಜನರು ಎಲ್ಲ ॥ ಮರೆದು ಮಕ್ಕಳ ಮನೆಯ ಕೆಲಸ | ಮರೆದು ಹರಿಯ ಬಳಸಲು || ಕರಿಯು ಮೃಗವು ಕೇಸರಿ ಶರಭ | ಹರಿಣ ನವಿಲು ಉರಗ ಮೋಹಿಸಿ | ನೆರೆದು ಮರೆದು ಜಾತಿವೈರವ । ಸ್ವರವ ಕೇಳುತಿರಲು ಕರಗೆ ಗಿರಿಯ ಕಲ್ಲು ತರುಗ-| ಳೆರಗಿ ಪಕ್ಷಿ ತತಿಗಳಿರಲು || ಸುರರು ಸುಮವ ಸುರಿಯುತಿರಲು | ಧರೆಯು ಮುದದಿ ಕುಣಿಯುತಿರಲು || ಶರಧಿ ಉಕ್ಕಿ ಸರಿತು ಸೊಕ್ಕಿ | ಪುರರಿಪು ವಿಧಿ ಪೊಗಳುತಿರಲು | ವಿರಚಿಸಿದ ಪುರಂದರವಿಠಲ | ಮುರಲಿಗಾನ ಮಾಡಿದ

Sthala Comment None