ಹರಿದಾಸರ ಕೀರ್ತನೆ

ನಮ್ಮಪ್ಪ ಸುಮ್ಮಗಿರೊ ಗೋಪಾಲಾ-| ಗುಮ್ಮನು ಎಳೆದೊಯ್ವನು ಎಡದ ಕೈಯಲಿ ಕಪಾಲ-ಗೋಪಾಲಾ-| ಬಲದ ಕೈಯಲಿ ತ್ರಿಶೂಲ | ಚಳಿಬೆಟ್ಟದ ಹೆಣ್ಣ ಮೈಯೊಳಿಟ್ಟವನಂತೆ | ಅಲೆದು ಸ್ಮಶಾನವ ತಿರುಗುವನಂತೆ ಮೂರು ಕಣ್ಣಿನವನೊ-ಗೋಪಾಲಾ- | ಐದು ತಲೆಗಳವನೊ || ದಾರಿಯ ಪೋಗುವ ನಾರಿಯನೆಳತಂದು | ಸೇರಿಸಿ ಶಿರದಲ್ಲಿ ಹೊತ್ತನೊ ಚಂದ್ರನರ್ಧವ ಪಿಡಿದು-ತಲೆಯ ಮೇಲೆ- ಚೆಂದಕಿಟ್ಟಿರುವನಂತೆ | ಅಂದಗಾರನಂತೆ [ ಅನಲನೇತ್ರನಂತೆ ] | ಮುಂದಿಪ್ಪ ಹುಡುಗನ ಕೊಂದು ತಿಂದವನಂತೆ ನಿನ್ನ ಮಗನ ಮಗನೊ-ಗೋಪಾಲಾ- ಪನ್ನಗ ಭೂಷಣನೋ || ಧನ್ಯನಾಗಿ ಶ್ರೀರಾಮ ನಾಮವನು | ಚೆನ್ನಾಗಿ ಚಿಂತಿಪನೊ ಕರಿಯಜಿನ ಪೊದ್ದವನೊ ಗೋಪಾಲಾ-| ನೆರೆದ ಭೂತ ತಂದವನೊ || ಶರಧಿಶಯನ ನಿನ್ನ ಚರಣಪಂಕಜಭೃಂಗ । ಪುರಂದರವಿಠಲ ಪನ್ನಂಗಶಯನನೆ

Sthala Comment None