ಹರಿದಾಸರ ಕೀರ್ತನೆ

ತುಂಟನಿವನು ಕಾಣಮ್ಮ ಗೋಪಾಲನು। ಉಂಟೋ ಇಲ್ಲವೊ ಕೇಳಮ್ಮ ಎಂಟೆರಡು ಸಾವಿರ ನಂಟರ ಹೆಂಗಳ ತುಂಟು ಮಾಡಿ ರವಿಕೆಗಂಟು ಬಿಚ್ಚಿ ನಿಂತ ಹಸಿರು ಪಟ್ಟೆಯನು ಉಟ್ಟು - ನಮ್ಮನೆ ಹೆಣ್ಣು| ಮೊಸರು ಕಡೆಯುತಿರಲು॥ ನಸುನಗುತಲಿ ಬಂದು ಕುಸುಮ ಮಲ್ಲಿಗೆ ಮುಡಿಸಿ। ಬಸಿರು ಮಾಡಿದನೆಂಥ ಹಸುಳನೆ ಗೋಪಿ ॥ ಮುದ್ದುನಾರಿಯರು ಕೂಡಿ-ನಮ್ಮನೆಯಲಿ। ಉದ್ದಿನ ವಡೆಯ ಮಾಡಲು|| ಸದ್ದು ಮಾಡದೆ ಬಂದು ಎದ್ದೆದ್ದು ನೋಡುತ ಇದ್ದ ವಡೆಯನೆಲ್ಲ ಕದ್ದು ಮೆದ್ದೋಡಿದ ಗೊಲ್ಲ ಬಾಲಕರ ಕೂಡಿ-ಮನೆಯಲಿದ್ದ | ಎಲ್ಲ ಬೆಣ್ಣೆಯ ಮೆಲ್ಲಲು || ಗುಲ್ಲು ಮಾಡದೆ ನಾವು ಎಲ್ಲರು ಒಂದಾಗಿ | ತಳ್ಳ ಹೋದರೆ ನಮಗೆ ಬೆಲ್ಲವ ತೋರಿದ ಹೊತ್ತು ಮುಳುಗುವ ಸಮಯದಿ-ನಮ್ಮನೆ ಹೆಣ್ಣು । ಹತ್ತಿ ಹೊಸೆಯುತಿರಲು | ಮುತ್ತು ಹವಳ ಸರ ಕತ್ತಿಗೆ ಹಾಕಿ ಸೀರೆ | ಎತ್ತಿ ನೋಡಿದನು ತಾ ಬತ್ತಲೆ ನಿಂತ ತಿಲಕ ಕತ್ತುರಿಯನಿಟ್ಟು-ನಮ್ಮನೆ ಹೆಣ್ಣು | ಗಿಲುಕು ಮಂಚದಲಿರಲು || ತಿಲಕ ತಿದ್ದುತ ಕುಚಕಲಶ ಪಿಡಿದು ತನ್ನ | ಕೆಲಸವ ತೀರಿಸಿದ ಪುರಂದರವಿಠಲ

Sthala Comment None