ಹರಿದಾಸರ ಕೀರ್ತನೆ

ಕೇಳೆ ಗೋಪಿ ಗೋಪಾಲ ಮಾಡಿದ ಬಲು | ದಾಳಿಯ ಗೋಕುಲದಿ ತಾಳಲಾರೆವೆ ತವಕದಲಿ ಕಂದಗೆ ಬುದ್ಧಿ | ಹೇಳೆ ಕೃಷ್ಣನ ಕರೆದು ಸರಿರಾತ್ರಿಯೊಳು ಸರಸರನೆ ಮನೆಗೆ ಬಂದು | ಸುರಿದು ಪಾಲ್ಬೆಣ್ಣೆಗಳ | ಉರೋಜಗಳಿಗೆ ಕರ ಸರಿಸಿ ಕಣ್ಗಳನು | ತೆರೆದು ನೋಡುವನೆ ನಮ್ಮ ಗಂಡನು ಮನೆಯೊಳಗಿರಲು ಬಂದು ಕೃಷ್ಣ | ಭಂಡ ಮಾತುಗಳ ಬಹು | ತುಂಟತನದಲಾಡಿ ಉದ್ದಂಡ ಕಠಿಣಕಾಯ | ದುಂಡುಕುಚವ ಪಿಡಿದ --------------------ವದ ಮೇಲಿರಲು ತಾ | ಸೀರೆಯ ಸೆಳೆವ ನೋಡೆ || ಆರಿವರೆಂದು ವಿಚಾರಿಸಿ ನೋಡಲು | ಮೋರೆಯ ಬಾಗಿದನೆ ಕೇರಿಯೊಳಗೆ ದಧಿ ಮಾರುತಿರಲು ಕೃಷ್ಣ | ಸಾರಿ ಬಂದು ಮೊಸರ | ಸೂರೆಗೊಂಡು ಪರನಾರಿಯರ ನೆರೆದು ತಾ | ಘೋರರೂಪದಿ ಮೆರೆದ ಆಡಲೇತಕೆ ನಮ್ಮ ಬಾಗಿಲಂಗಳದೊಳು | ಬೇಡುವ ಜಲ ದೈನ್ಯದಿ || ನೀಡುವೆ ಜಲ ಜಲಜಾಕ್ಷ ಬಾಬಾ ಎನೆ । ಮಾಡುವ ರತಿ ಎಂಬನೆ ಹುಡುಗನೆಂದು ಕೈಯ ಪಿಡಿಯ ಪೋಗಲು ನಮ್ಮ | ಉಡೆಮುಡಿ ಪಿಡಿದ ನೋಡೆ || ಪಡೆದವಳಿಗೆ ಪೇಳುವೆ ನಡೆ ಎನೆ ಮಚ್ಚು | ಕೊಡಲಿ ತೋರುವನೆ ಗೋಪಿ ಮಡದಿಯರೆಲ್ಲರು ಮೀಯುತಲಿರೆ ಮೈ | ಉಡುಗೆಯ ತೆಗೆದುಕೊಂಡು ॥ ಸಡಗರದಲಿ ಬೇಡಿಕೊಳ್ಳೆ ವಸ್ತ್ರಗಳನು । ಕೊಡದೆ ಅಡವಿಗೆ ನಡೆದ ಬೆಣ್ಣೆಯ ತಿಂದು ತಮ್ಮಣ್ಣಗೆ ತಾ ಕೊಟ್ಟು | ಚಿಣ್ಣರ ಬಡಿವ ನೋಡೆ || ಬಣ್ಣಿಸಿ ನಮ್ಮ ಬಾಯಿಗೆ ಬೆಣ್ಣೆ ತೊಡೆಯುತ | ಬೆಣ್ಣೆಯ ತಿಂದಿರೆಂಬ ಏಣಲೋಚನೆ ಸರ್ಪವೇಣಿ ನಮ್ಮ ಮನೆ | ಓಣಿಯೊಳಗೆ ಪೋಗುತ ಕಾಣದಂತೆ ಚಕ್ರಪಾಣಿ ನಮ್ಮೊಳು ತನ್ನ | ತ್ರಾಣವ ತೋರಿದನೆ ಪದುಮನಾಭನು ಪುರದ ಚದುರಿಯರಿಗೆ ತಾನು | ಮದನಶಾಸ್ತ್ರವ ಪೇಳುತ || ಮುದದೊಳಗಿರಲವರೊಡೆಯ ಬರಲು ಕೃಷ್ಣ | ಕುದುರೆಯನೇರಿದನೆ ಎಷ್ಟುಪದ್ರವ ಕೊಟ್ಟರು ಗೋಕುಲದೊಳು | ಬಿಟ್ಟವನಿರಲಾರೆವೆ ॥ ಸೃಷ್ಠಿಯೊಳಗೆ ಸರ್ವಾಭೀಷ್ಟದ ಪುರಂದರ-| ವಿಠಲ ಸಲಹುವನೆ

Sthala Comment None