ಹರಿದಾಸರ ಕೀರ್ತನೆ

ಎಲ್ಲಿಯ ಮಧುರಾಪುರವು| ಎಲ್ಲಿಯ ತಾ ಬಿಲ್ಲುಹಬ್ಬ| ಎಲ್ಲಿಯ ಸೋದರಮಾವನೆ ಎಲ್ಲಿಯ ಮಲ್ಲರಸಂಗ ಖುಲ್ಲ ಕಂಸನು ನಮಗೆ | ಎಲ್ಲಿಯ ಜನ್ಮದ ವೈರಿಯೆ-ಸಖಿಯ ವೃಂದಾವನದೊಳಗಿರುವ ವೃಕ್ಷಜಾತಿಗಳೆಲ್ಲ | ಒಂದೊಂದು ಫಲದಿಂದಲಿ ಸಂದಣಿತವೆ ॥ ಕುಂದಕುಸುಮದಲಿರುವ ಮಂದಿರದಲಿ ಚಕೋರ | ಒಂದೊಂದು ಸುಖಭರಿತವೆ ॥ ಅಂದು ಮಾಧವ ನಮ್ಮ ಹೊಂದಿ ಕರವಿಡಿದ | ನಂದನ ಕಂದನ ಚರಿತವೆ ಸಖಿಯೆ ಅಕ್ರೂರ ತಾನೆಲ್ಲ ಅಚ್ಯುತಗೆ ಎಡೆ ಮಾಡಿ | ಆ ಕ್ರೂರನೆನಿಸಿದನೆ | ವಕ್ರಮಾರ್ಗವ ಕೂಡಿ ವನಿತೆಯರ ಉಸಿರೆಣಿಸಿ | ಚಕ್ರಧರನಗಲಿಸಿದನೆ || ಆಕ್ರಮಿಸಿ ಸುರಲೋಕ ಪಾರಿಜಾತವನಂಬು-| ಜಾಕ್ಷಿಗೆ ತಂದಿತ್ತನೆ-ಸಖಿಯೆ ನೀರ ಚೆಲ್ಲಾಟದೊಳು ನಿಲಿಸಿ ನಮ್ಮೆಲ್ಲರ | ನಾರಿಯರಿಗೆ ಚೆಲ್ಲಿದನೆ || ಮೋರೆ ಮೋರೆ ನೋಡಿ ಅಧರಾಮೃತಗಳ | ಸಾರಿ ಸಾರಿ ಸವಿದುಂಬನೆ || ದ್ವಾರಕಾಪುರವಾಸ ಪುರಂದರವಿಠಲ | ಸೇರಿ ನಮ್ಮನು ಸಲಹುವನೆ-ಸಖಿಯೆ

Sthala Comment None