ಹರಿದಾಸರ ಕೀರ್ತನೆ

ಎಲ್ಲಿ ಬೆಣ್ಣೆಯ ಬಚ್ಚಿಡುವೆ ನಾ-ಈ । ಕಳ್ಳ ಕೃಷ್ಣನ ಹಾವಳಿ ಘನವಾಯಿತು ನೆಲುವು ನಿಲುಕದೆಂದಿಡುವೆನೆ–ನೋಡೆ | ಬೆಳೆಯಬಲ್ಲನಿವ ಬ್ರಹ್ಮಾಂಡಕೆ ॥ ತಿಳಿಸದೆ ಕತ್ತಲೊಳಿಡುವೆನೆ-ಅಕ್ಕ । ಬೆಳಕೆಲ್ಲವೀತನ ಕಂಗಳ ಢಾಳ ಎವೆಯಿಕ್ಕದಲ್ಲಿ ಕಾದಿಡುವೆನೆ-ನೋಡೆ । ದಿವಿಜರೆಲ್ಲ ಈತನ ಮಾಯೆ ॥ ಅವರ ಬಳಿಗೆ ಮೊರೆಯಿಡುವೆನೆ-ಅಕ್ಕ | ಇವನಿಟ್ಟ ಬಂಟರಿಂದ್ರಾದಿಗಳೆಲ್ಲರು ಈಗಲೆ ಇಂತು ಮಾಡುವನು-ಮುಂದೆ | ಅಗಲಿಸುವನು ನಮ್ಮ ಒಗೆತನವಮ್ಮ || ಕೂಗಿ ಹೇಳಲು ಮತ್ತೆ ಕೇಡಮ್ಮ-ಮುಂದೆ | ಹೇಗೆ ಪುರಂದರವಿಠಲನಟ್ಟುಳಿಗೆ?

Sthala Comment None