ಹರಿದಾಸರ ಕೀರ್ತನೆ

ಎಂತಹ ಸಣ್ಣವನೆ-ನಿನ್ನ ಮಗನಂತಹರೆಲ್ಲಿಲ್ಲವೆ । ಹೊಂತಕಾರಿ ಬಲವಂತರಿಗಧಿಕನು ತರಳನಂತಿಪ್ಪನು ತರಳೆಯರೊಡನಾಡುವ | ಕಿರುಬೆರಳುಗುರಲಿ ಗಿರಿಯನೆತ್ತಿದವ ಕಾಳಿಯ ಸರ್ಪನ ಕಾಲಲ್ಲಿ ತುಳಿದವ | ಪಲಾಯನ ಮಾಡಿ ಕಾಲಯವನನ ಸುಟ್ಟ ಕಿಚ್ಚು ಪಾನವ ಮಾಡಿ ಅಚ್ಚರಿ ತೋರಿದ | ರಚ್ಚೆ ಮಾಡುವಿರೆಂದು ಮುಚ್ಚಿಕೊಂಬುವಿಯಲ್ಲೆ ಬಾಯಿ ತೆರೆದನಲ್ಲೆ ನೀನಂಜುವಂದದಿ । ಆ ಯಮಳಾರ್ಜುನರಾಯಾಸಬಡಿಸಿದ ದಿಟ್ಟತನದಿ ಮೊಲೆಗೊಟ್ಟವಳನು ಕೊಂದ | ಪುಟ್ಟ ಪುರಂದರವಿಠಲರಾಯನು

Sthala Comment None