ಹರಿದಾಸರ ಕೀರ್ತನೆ

ಆಡ ಹೋದಲ್ಲಿ ಮಕ್ಕಳು-ಎನ್ನನು-1 ಅಡಿಕೊಂಬರು ನೋಡಮ್ಮ ನೋಡಿ ನೋಡಿ ಇತ್ತ ಮುಖವ। ಮಾಡಿ ಕಣ್ಣ ಮೀಟುವರಮ್ಮ ದೇವಕಿ ಪೆತ್ತಳಂತೆ-ವಸು-1 ದೇವನೆಂಬವ ಪಿತನಂತೆ || ಕಾವಲಿನೊಳು ಪುಟ್ಟಿದನಂತೆ | ಮಾವ ಕಂಸಗಂಜಿ ಬಂದೆನಂತೆ ನೀನೆನ್ನ ಪೆತ್ತಿಲ್ಲವಂತೆ-ಅಮ್ಮಾ | ನಾನಿನ್ನ ಮಗನಲ್ಲವಂತೆ || ಧೇನು ಕಾಯುವರಿಲ್ಲವೆಂದು ನೀನು | ಸಾನುರಾಗದಿ ಸಲಹಿದೆಯಂತೆ ವಿಷವು ತುಂಬಿದ ಮೊಲೆಯ-ಕೊಟ್ಟ | ಅಸುರೆಯ ಸಂಹರಿಸಿದೆನಂತೆ | ಅಸುರನಾದ ಶಕಟನನಾಕ್ಷಣದಲಿ | ಶಿಶುವಾಗಲೆ ಒರೆಸಿದೆನಂತೆ ವತ್ಸಾಸುರನನು ಕೆಡಹಿದೆನಂತೆ ಕಿಚ್ಚನೆಲ್ಲವನು ನುಂಗಿದೆನಂತೆ || ಕಚ್ಚಬಂದ ಕಾಳಿಂಗನಾ ಹೆಡೆ-I ಚಚ್ಚಿ ತುಳಿದು ಓಡಿದೆನಂತೆ ಕುಸುಮಗಂಧಿಯರುಡುವ | ವಸನ ಕದ್ದು ಓಡಿದೆನಂತೆ ॥ ಹಸುಗೂಸು ಅಲ್ಲ ಇವ । ಅಸುರ ಮಗನು ಎಂತೆಂಬುವರೆ ಒರಳನೆಳೆತಂದು ಮತ್ತಿ-I ಮರವ ಮುರಿದೋಡಿದೆನಂತೆ || ತರಳೆಯರ ವಸ್ತ್ರವ ಕದ್ದು | ತರುವನೇರಿದೆನಂತೆ ಪರಮ ಗಾಡಿಕಾರನಿವ । ಪುರಂದರ ವಿಠಲರಾಯ | ತರುಣಿಯರ ವಂಚಿಸುತ್ತ | ಠಕ್ಕಿಸಿ ಪೋದನೆಂತೆಂಬುವರು

Sthala Comment None