ಹರಿದಾಸರ ಕೀರ್ತನೆ

ಅಮ್ಮ ನಿಮ್ಮ ಮನೆಗಳಲ್ಲಿ | ನಮ್ಮ ಕೃಷ್ಣನ ಕಾಣಿರೇನೆ? ಸುಮ್ಮನೆ ಸುರಸಜ್ಜನರ ಸಂಘ | ಗಮ್ಮನೆ ಮರುಳು ಮಾಡಿದನಮ್ಮ ಕುಂಕುಮ - ಕಸ್ತೂರಿ ಕಿರುತಿರುನಾಮವ । ಶಂಖ - ಚಕ್ರಗಳ ಧರಿಸಿದನ | ಬಿಂಕದಲ್ಲಿ ಕೊಳಲೂದುವ ಹಾಡುವ ನಮ್ಮ- ಪಂಕಜನಾಭನ ಕಾಣಿರೇನೆ? ಕಾಶಿ ಪಿತಾಂಬರ ಕೈಯಲಿ ಕೊಳಲು | ಪೂಸಿದ ಶ್ರೀಗಂಧ ಮೈಯಲಿ || ಲೇಸಾದ ಪುಷ್ಪಮಾಲಿಕೆ ಹಾಕಿದ-ನಮ್ಮ-| ವಾಸುದೇವ ಹರಿ ಬಂದ ಕಾಣಿರೇನೆ? ಕರದಲಿ ಕಂಕಣ ಬೆರಳಲಿ ಉಂಗುರ | ಕೊರಳಲಿ ಹಾಕಿದ ಹುಲಿಯುಗುರಮ್ಮ || ಅರಳೆಲೆ ಕನಕಕುಂಡಲ ಕಾಲಲಂದಿಗೆ-ನಮ್ಮ-| ಉರಗಶಯನ ಬಂದ ಕಾಣಿರೇನೆ? ಹದಿನಾರು ಸಾವಿರ ಗೋಪಸ್ತ್ರೀಯರ ಕೂಡಿ | ಚದುರಂಗ-ಪಗಡೆಯನಾಡಿದನ | ಮದನಮೋಹನರೂಪ ಎದೆಯಲ್ಲಿ ಕೌಸ್ತುಭ-ನಮ್ಮ | ಮಧುಸೂದನ ಬಂದ ಕಾಣಿರೇನೆ? ತೆತ್ತೀಸಕೋಟಿ ದೇವತೆಗಳು ಕೂಡಿ | ಹತ್ತವತಾರವ ಧರಿಸಿದನ || ಸತ್ಯಭಾಮೆಯ ಅರಸ ಶ್ರೀ ಪುರಂದರವಿಠಲ | ನಿತ್ಯೋತ್ಸವ ಬಂದ ಕಾಣಿರೇನೆ?

Sthala Comment None