ಹರಿದಾಸರ ಕೀರ್ತನೆ

ವೆಂಕಟರಮಣ ವೇದಾಂತ ನಿನ್ನಯ ಪಾದ ಪಂಕಜ ಕಂಡ ಮೇಲೆ- ಇಂಥ ಮಂಕುಜನರ ಬೇಡಿಸುವುದುಚಿತವೇ ಶಂಖಚಕ್ರಾಂಕಿತನೇ ಕ್ಷೀರಸಾಗರ ಮಥನಿಸಿ ಪೊಂದಿದಾತಗೆ ನೀರು ಮಜ್ಜಿಗೆ ಕಡವೆ || ಚಾರು ಕಲ್ಪವೃಕ್ಷದಡಿಯಲ್ಲಿ ಕುಳಿತಂಗೆ ದೋರೆ ತಿಂತ್ರಿಣಿ ಬಯಕೆ? ಸಾರ್ವಭೂಪಾಲನ ಸೂನುವೆನಿಸಿಕೊಂಡು ಸೋರೆ ಕೂಳಿನ ತಿರುಕೆ ॥ ನಾರಿ ಲಕ್ಷ್ಮೀಕಾಂತ ನಿನ್ನ ನಂಬಿದವಗೆ ದಾರಿದ್ರ್ಯದಂಜಿಕೆಯೆ? ಸುರನದಿಯಲಿ ಮಿಂದು ಶುಚಿಯಾದ ಬಳಿಕಿನ್ನು ತೀರ್ಥದ ಅಟ್ಟುಳಿಯೇ ॥ ಕರುಣಾನಿಧಿಯೆಂದು ಮೊರೆಹೊಕ್ಕ ದಾಸಗೆ ದುರಿತದ ದುಷ್ಫಲವೆ? ಗರುಡನ ಮಂತ್ರವ ಕಲಿತು ಜಪಿಸುವಂಗೆ ಉರಗನ ಹಾವಳಿಯೆ ॥ ಹರಿಯ ಪಕ್ಕದೊಳು ಮನೆ ಕಟ್ಟಿದಾತಂಗೆ ಕರಿಗಳ ಭೀತಿಯುಂಟೆ? ಪರಮಪುರುಷ ಸುಗುಣಾತ್ಮಕ ನೀನೆಂದು ಮರೆಹೊಕ್ಕೆ ಕಾಯೊ ಎನ್ನ ॥ ಉರಗಾದ್ರಿವಾಸ ಶ್ರೀ ಪುರಂದರವಿಠಲನೆ ಪರಬ್ರಹ್ಮ ನಾರಾಯಣ

Sthala Comment None