ಹರಿದಾಸರ ಕೀರ್ತನೆ

ಬಂದು ನಿಂದಿಹ ನೋಡಿ- ಭೂತಳದಿ ವೆಂಕಟ ಇಂದಿರೆಯನೊಡಗೂಡಿ- ಒಪ್ಪುವ ನಿರಂತರ ಪೊಂದಿ ಭಜನೆಯ ಮಾಡಿ- ಆನಂದ ಬೇಡಿ ವಂದಿಸುತ ಮನದೊಳಗೆ ಇವನಡಿ- ದ್ವಂದ್ವ ಭಜಿಸಲು ಬಂದ ಭಯಹರ | ಇಂದುಧರ ಸುರವೃಂದನುತ ಗೋ- ವಿಂದ ಘನ ದಯಾಸಿಂಧು ಶ್ರೀಹರಿ (ಅ.ಪ) ದ್ವಾರದೆಡಬಲದಲ್ಲಿ- ಜಯವಿಜಯರಿಬ್ಬರು ಸೇರಿ ಸೇವಿಪರಲ್ಲಿ- ಸನಕಾದಿನುತ ಶೃಂ- ಗಾರನಿಧಿ ಅಂಗದಲಿ- ಮುತ್ತಿನಲಿ ಶೋಭಿಪ ಹಾರ ಹೊಂದಿಹುದಲ್ಲಿ ವಿಸ್ತಾರದಲ್ಲಿ || ವಾರವಾರಕೆ ಪೂಜೆಗೊಂಬುವ ಹಾರ ಮುಕುಟಾಭರಣ ಕುಂಡಲ- ಧಾರಿ ಭುಜ ಕೇಯೂರ ಭೂಷಿತ ಮಾರಪಿತ ಗುಣ ಮೋಹನಾಂಗ || ಚಾರು ಪೀತಾಂಬರ ಕಟಿಯ ಕರ- ವೀರ ಕಲ್ಹಾರಾದಿ ಹೂವಿನ ಹಾರ ಕೊರಳೊಳು ಎಸೆಯುತಿರೆ ವದ-1 ನಾರವಿಂದವು ನಗುತ ನಲಿಯುತ ಎಲ್ಲ ಭಕುತರಭೀಷ್ಟ-ಕೊಡುವುದಕೆ ತಾ ಕೈ- ವಲ್ಯ ಸ್ಥಾನವ ಬಿಟ್ಟ- ಶೇಷಾದ್ರಿ ಮಂದಿರ ದಲ್ಲಿ ಲೋಲುಪ ದಿಟ್ಟ-ಸೌಭಾಗ್ಯನಿಧಿಗೆದು ರಿಲ್ಲ ಭುಜಬಲ ಪುಷ್ಪ-ಕಸ್ತೂರಿಯಿಟ್ಟ || ಚೆಲ್ವ ಪಣೆಯಲಿ ಶೋಭಿಸುವ ಸಿರಿ- ವಲ್ಲಭನ ಗುಣ ಪೊಗಳದಿಹ ಜಗ- ಖುಲ್ಲರೆದೆದಲ್ಲಣ ಪರಾಕ್ರಮ ಮಲ್ಲಮರ್ದನ ಮಾತುಳಾ೦ತಕ ॥ ಫಲ್ಗುಣನ ಸಖ ಪ್ರಕಟನಾಗಿಹ ದುರ್ಲಭನು ಅಘದೂರ ಬಹುಮಾಂ ಗಲ್ಯ ಹೃಯಯವ ಮಾಡಿ ಸೃಷ್ಟಿಗೆ ಉಲ್ಲಾಸ ಕೊಡುತಲಿ ಚೆಂದದಿಂದಲಿ ಪದಕ-ಕೌಸ್ತುಭದಾರ-ಸರಿಗೆಯ ಸುಕಂಧರ ಸುದರ್ಶನ-ದರಧಾರ-ಸುಂದರ ಮನೋಹರ ಪದಯುಗದಿ ನೂಪುರ-ಇಟ್ಟಿಹನು ಸನ್ಮುನಿ ಹೃದಯ ಸ್ಥಿತ ಗಂಭೀರ-ಬಹುದಾನ ಶೂರ || ವಿಧಿ-ಭವಾದ್ಯರ ಪೊರೆವ ದಾತನು ತುದಿ ಮೊದಲು ಮಧ್ಯವು ವಿರಹಿತನು ಉದುಭವಾದಿಗಳೀವ ಕರ್ತನು ತ್ರಿದಶಪೂಜೀತ ತ್ತಿಭುವನೇಶ || ಸದುನಲಾಸದಿ ಸ್ವಾಮಿ ತೀರ್ಥದಿ ಉದುಸುತಿರೆ ಸಿರಿ ಮಹಿಳೆ ಸಹಿತದಿ ಪದುಮನಾಭ ಪುರಂದರ ವಿಠಲನು ಮುದದಿ ಬ್ರಹ್ಮೋತ್ಸವದಿ ಮೆರೆಯುತ

Sthala Comment None