ಹೂವ ತರುವರ ಮನೆಗೆ ಹುಲ್ಲ ತರುವ |
ಅವ್ವ ಲಕುಮಿಯ ರಮಣ ಅವಗಿಲ್ಲ ಗರುವ
ಒಂದು ದಳ ಶ್ರೀ ತುಳಸಿ ಗಂಧ-ಪುಷ್ಪವ ತಂದು |
ಇಂದಿರಾಕಾಂತನಿಗೆ ಅರ್ಪಿಸಿರಲು ||
ಬಂಧಗಳ ಪರಿಹರಿಸಿ ಸಿಂಧುಶಯನನು ತನ್ನ |
ಮಂದಿರದೊಳಿರಿಸಿ ಆನಂದವುಣಿಸುವನು
ಪರಿಪರಿಯ ಪೂಜೆಗಳ ಕರಿವರದಗರ್ಪಿಸಲು |
ಪರಿಪೂರ್ಣ ತಾನವನ ಕರವ ಪಿಡಿದು ||
ಸರಿಸಿಜಾಕ್ಷನು ತ್ವರದಿ ಸಾರೂಪ್ಯವನ್ನಿತ್ತು |
ಮರುತನಂತರ್ಗತನು ಹರುಷದಲಿ ಪೊರೆವ
ತೊಂಡರಾ ಮನೆಗಳಲಿ [ತೊಂಡು ಗೆಲಸವ ಗೈವ] ।
ಪಾಂಡವರ ಮನೆಯಲ್ಲಿ ಕುದುರೆಗಳ ತೊಳೆದ ||
ಅಂಡಜಾಸನ ನಮ್ಮ ಪುರಂದರ ವಿಠಲನು |
ತೊಂಡರಿಗೆ ತೊಂಡನಾದ ಹಿಂಡು ದೈವದ ಗಂಡ
Music
Courtesy:
ಸ್ಥಲ -
ಕೀರ್ತನೆ
ವಿಷಯ -
ಪುರಾಣ ಮೂಲದ ಹರಿ ಸ್ತುತಿ
