ಹರಿದಾಸರ ಕೀರ್ತನೆ

ಹರಿಯೆಂಬ ನಾಮಾಮೃತ ರುಚಿಕರವೆಲ್ಲ ಪರಮಭಕ್ತರಿಗಲ್ಲದೆ – ಮಿಕ್ಕ -1 ಅರಿಯದ ಕಡುಮೂರ್ಖ ಮನುಜರಿಗೆಲ್ಲ ತಾ ಹರುಷವಾಗಬಲ್ಲದೆ? ಅಂದುಗೆ ಅರಳೆಲೆಯಿಟ್ಟರೆ ಕೋಡಗ ಕಂದನಾಗಬಲ್ಲದೆ? । ಹಂದಿಗೆ ತುಪ್ಪ-ಸಕ್ಕರೆ ತಿನ್ನಿಸಲು ಗ- ಜೇಂದ್ರನಾಗಬಲ್ಲದೆ? || ಇಂದು ಪೂರ್ಣಕಳೆಯೊಳು ತಾನು ತೋರಲು ಅಂಧ ನೋಡಬಲ್ಲನೆ? –ನಮ್ಮ- | ಇಂದಿರೆಯರಸನ ನಾಮದ ಮಹಿಮೆಯ ಮಂದಜ್ಞಾನಿ ಬಲ್ಲನೆ ಪರಿಪರಿ ಬಂಗಾರವಿಟ್ಟರೆ ದಾಸಿ ತಾ ಅರಸಿಯಾಗಬಲ್ಲಳೆ? । ಭರದಿಂದ ಶ್ವಾನನ ಬಾಲವ ತಿದ್ದಲು ಸರಳವಾಗಬಲ್ಲದೆ? । ಉರಗಗೆ ಕ್ಷೀರವನೆರೆಯಲು ಅದು ತನ್ನ ಗರಳವ ಬಿಡಬಲ್ಲದೆ? || ಭರದಿಂದ ನೀಲಿಯ ಕರದಿಂದ ತೊಳೆಯಲು ಕರಿದು ಹೋಗಬಲ್ಲದೆ? । ಮೋಡಕೆ ಮಯೂರ ಕುಣಿವಂತೆ ಕುಕ್ಕುಟ ನೋಡಿ ಕುಣಿಯಬಲ್ಲದೆ? । ಗೋಡೆಗೆ ಎದುರಾಗಿ ನಾಟ್ಯವಾಡಲು ನೋಡಿ ಸುಖಿಸಬಲ್ಲದೆ? ॥ ಹಾಡಿನ ಕುಶಲತೆ ಬಧಿರನು ತಾ ಸವಿ- ಮಾಡಿ ಕೇಳಬಲ್ಲನೆ? । ರೂಢಿಗೊಡೆಯ ನಮ್ಮ ಪುರಂದರ ವಿಠಲನ ಮೂಢಜ್ಞಾನಿ ಬಲ್ಲನೆ

Sthala Comment None