ಹರಿದಾಸರ ಕೀರ್ತನೆ

ನಿನ್ನ ನಾಮವೆ ಎನಗೆ ಅಮೃತಾನ್ನವು | ಇನ್ನು ಹಸಿದಿರಲೇಕೆ ಎನಗೆ ನೀನೊಲಿದಿರಲು ಓಂಕಾರವೆಂಬ ನಾಮ ಉಪ್ಪು – ಉಪ್ಪಿನಕಾಯಿ । ಶಂಖಪಾಣಿಯ ನಾಮ ಪಾಕಾದಿ ಸೂಪ ।। ಸಂಕರ್ಷಣನ ನಾಮ ದಿವ್ಯ ಶಾಲ್ಯನ್ನವು | ಪಂಕಜಾಕ್ಷನ ನಾಮ ಪಳಿದೆ ಬಗೆಬಗೆ ಸಾರು ಕೇಶವನೆಂಬ ನಾಮ ಕರಿದ ಹೂರಣಗಡಬು | ವಾಸುದೇವನ ನಾಮ ವಡೆ - ಸೇವಿಗೆ | ಸಾಸಿರದ ನಾಮಗಳು ಸವಿಸವಿಯ ಪರಮಾನ್ನ | ದೋಷದೂರನ ನಾಮ ದೋಸೆ - ಸೂಸಲಗಡಬು ನಾರಾಯಣನ ನಾಮ ನೊರೆಹಾಲು ಸಕ್ಕರೆ | ಶ್ರೀರಾಮ ನಾಮ ಸರವಳಿ ಸಜ್ಜಿಗೆ | ಕಾರುಣ್ಯನಿಧಿ ನಾಮ ಕರಿದ ಹಪ್ಪಳ ಸಂಡಿಗೆ | ಪಾರಾಯಣನ ನಾಮ ಪರಿಪರಿಯ ಪಕ್ವಾನ್ನ ಯದುಪತಿಯೆಂಬ ನಾಮ ಎಣ್ಣೂರಿಗೆಯ ರಾಶಿ । ಮಧುಸೂದನನ ನಾಮ ಮಧುರ ಮಂಡಿಗೆಯು || ಚದುರಗೋವಳ ನಾಮ ಚೆಲುವ ಬೀಸೂರಿಗೆ | ಪದುಮನಾಭನ ನಾಮ ಪರಿಪರಿಯ ಭಕ್ಷ್ಯ ದೇವಕೀಸುತನ ನಾಮ ದಧ್ಯನ್ನದಾ ಮುದ್ದೆ | ಗೋವಿಂದನ ನಾಮ ಗುಳ್ಳೋರಿಗೆ || ಮಾವಮರ್ದನನ ನಾಮ ಕಲಸುಮೇಲೋಗರ | ರಾವಣಾರಿಯ ನಾಮ ಇಡ್ಡಲಿಗೆ - ಸುಖಿಯುಂಡೆ ಗರುಡವಾಹನನ ನಾಮ ಘೃತಪಯೋದಧಿತಕ್ರ । ಪರಮಪುರುಷನ ನಾಮ ಪನ್ನೀರ ಪಾನ | ಕರಿವರದ ನಿನ್ನ ನಾಮ ಕರ್ಪುರದ ವೀಳ್ಯವು | ಶರಧಿಶಯನನ ನಾಮ ಶಯನಪರ್ಯಂಕ ಈ ಪರಿಯ ನಾಮಾವಳಿಯನು ಸವಿದುಂಡು | ಆಪತ್ತು ಬಿಡಿಸೆನ್ನ ಕ್ಷುಧೆಯ ನೂಕಿ । ಗೋಪಾಲ ಉರಗಾದ್ರಿ ಪುರಂದರವಿಠಲನ | ಶ್ರೀಪಾದವನೆ ನಂಬಿ ಅಪವರ್ಗ ಸೇರುವ

Sthala Comment None